ក្រោយចាកចេញពីទូរទស្សន៍ TVB អស់រយៈពេលមួយទសវត្សរ៍មកនេះ តារាសម្ដែងស្រីហុងកុង Myolie Wu បច្ចុប្បន្ននេះភាគច្រើនឃើញវត្តមានសម្ដែងខ្សែភាពយន្តនៅចិនដីគោក។ ជាក់ស្ដែង ភាពយន្តភាគចិនថ្មីចំណងជើងថា «Overdo» ក៏ឃើញវត្តមានរបស់នាងចូលរួមសម្ដែងផងដែរ ប៉ុន្តែលើកនេះក្នុងតំណែងថ្មីគឺជាតួអង្គម្ដាយរបស់តារាសម្ដែង Fu Xinbo និង Zhang Linghe។
គួរឱ្យដឹងដែរថា តារាសម្ដែងស្រី Myolie ធ្លាប់បានទម្លាយម្ដងក្នុងកិច្ចសម្ភាសមួយថា តំណែងដែលនាងទទួលបានក្នុងពេលប៉ុន្មានឆ្នាំថ្មីនេះគឺមិនសូវល្អទេ ហើយនាងក៏បាត់បង់តំណែងជាតួឯកស្រីដែរ។ យ៉ាងណាមិញ តារាស្រីវ័យ ៤៥ ឆ្នាំរូបនេះ នៅតែរក្សាភាពវិជ្ជមានជុំវិញស្ថានការណ៍របស់ខ្លួន។
នាងបានរៀបរាប់ថា៖ «កាលពីមុន ខ្ញុំធ្លាប់សម្ដែងជាតួឯកស្រីជាច្រើន តែឥលូវនេះ ខ្ញុំបានទទួលសម្ដែងក្នុងតំណែងជាតួដ៏គួរឱ្យចាប់អារម្មណ៍ថ្មី ហើយវាមិនអីនោះទេ ទោះជាខ្ញុំសម្ដែងជាតួរាយរងក៏ដោយ ហើយទោះបីជាខ្ញុំត្រូវស្នើឱ្យដើរជាតួអង្គដែលមានវ័យចំណាស់ ក៏ខ្ញុំមានអារម្មណ៍ថាមិនអីនោះដែរ»៕
