គ្រោះរញ្ជួយដីកម្រិត ៥.០ រ៉ិចទ័រ បានវាយប្រហារភាគឦសានកោះតៃវ៉ាន់នៅថ្ងៃទី ០៩ ខែមេសា ឆ្នាំ ២០២៥ (ពេលវេលាក្នុងតំបន់) បណ្ដាលឱ្យអគារជាច្រើននៅទីក្រុងតៃប៉ិរងការញ័ររញ្ជួយ។
តាមទីភ្នាក់ងារស្ទាបស្ទង់ភូមិសាស្ត្រអាមេរិក (USGS) បានឱ្យដឹងថា គ្រោះរញ្ជួយដីខាងលើនេះដែរបានវាយប្រហារក្នុងជម្រៅជិត ៧០ គីឡូម៉ែត្រនៅតំបន់ Yilan ជិតក្រុងតៃប៉ិ។ ជាមួយគ្នានេះដែរ តាមអាជ្ញាធរផ្នែកពន្លត់អគ្គិភ័យតំបន់ Yilan ថ្លែងប្រាប់សារព័ត៌មាន AFP ថា ក្នុងហេតុការណ៍រញ្ជួយដីនេះដែរ មិនមានបង្កការខូចខាត ឬធ្វើឱ្យនរណាម្នាក់រងរបួសនោះឡើយ។
កោះតៃវ៉ាន់ តែងរងការប៉ះពាល់ពីគ្រោះរញ្ជួយដីញឹកញាប់ដោយសារតែកោះនេះមានទីតាំងស្ថិតនៅចុងនៃផ្លាកតិចតូនិចចំនួន ២ ក្បែរខ្សែក្រវាត់ភ្នំភ្លើងប៉ាស៊ីហ្វិក ដែលខាងទីភ្នាក់ងារ USGS និយាយថាជាតំបន់ដែលមានការរញ្ជួយសកម្មបំផុតលើពិភពលោក៕
ប្រភព៖ CNA
