នៅថ្ងៃទី ១២ ខែឧសភា ឆ្នាំ ២០២៥ (ពេលវេលាក្នុងតំបន់) ខាងក្រុមប្រឹក្សាអាកាសចរណ៍របស់អង្គការសហប្រជាជាតិបានប្រកាសថា ប្រទេសរុស្ស៊ីពិតជាបានបាញ់ទម្លាក់យន្តហោះដឹកអ្នកដំណើររបស់ម៉ាឡេស៊ី MH17 លើទឹកដីប្រទេសអ៊ុយក្រែនពិតប្រាកដមែន។ ខាងក្រុមប្រឹក្សាខាងលើបានសម្រេចឱ្យប្រទេសរុស្ស៊ីទទួលខុសត្រូវលើហេតុការណ៍ធ្លាក់យន្តហោះខាងលើនេះ ដែលបានសម្លាប់អ្នកដំណើរ រួមទាំងបុគ្គលិកលើយន្តហោះទាំងអស់សរុបចំនួន ២៩៨ នាក់។
ខាងរដ្ឋាភិបាលទាំងសងខាងបាននិយាយថា ក្រុមប្រឹក្សានៃអង្គការអាកាសចរណ៍ស៊ីវិលអន្តរជាតិ (ICAO) នៅប៉ុន្មានសប្ដាហ៍ខាងមុខនឹងពិចារណាថានឹងមានការដាក់ឱ្យសងសំណងក្នុងទម្រង់បែបណា។
គួររំឭកថា យន្តហោះ Malaysain Airlines ជើងហោះហើរលេខ MH17 ដែលហោះចេញពី Amsterdam ទៅក្រុង Kuala Lumpur កាលពីថ្ងៃទី ១៧ ខែកក្កដា ឆ្នាំ ២០១៤ កន្លងទៅ ត្រូវបានបាញ់ទម្លាក់លើទឹកដីប្រទេសអ៊ុយក្រែន បណ្ដាលឱ្យមនុស្សទាំង ២៩៨ នាក់លើយន្តហោះត្រូវបាត់បង់ជីវិតទាំងអស់៕
ប្រភព៖ Dailymail
