កាលពីថ្ងៃទី ២៩ ខែតុលា ឆ្នាំ ២០២៥ កន្លងទៅនេះ ស្ថាប័ន Miss Universe បានចេញសេចក្ដីប្រកាសមួយ ដោយលើកលោក Mario Bucaro ជនជាតិ Guatemala ជាអតីតអនុប្រធានផ្នែកទំនាក់ទំនងអន្តរជាតិប្រចាំស្ថាប័ន Miss Universe ឡើងកាន់តំណែងថ្មីជា CEO របស់ស្ថាប័នជាផ្លូវការ។
លោក Mario Bucaro នឹងជំនួសតំណែងអតីត CEO មុនជាជនជាតិថៃ Anne Jakrajutatip ដែលលោកស្រីបានចុះចេញពីតំណែងកាលពីខែមិថុនា ឆ្នាំ ២០២៥ កន្លងទៅ។ ការប្រកាសតំណែង CEO ថ្មីនេះដែរ បានធ្វើឡើងត្រឹមពេលមិនដល់មួយខែផងសម្រាប់ការប្រកួត Miss Universe លើកទី ៧៤ ដែលនឹងរៀបចំធ្វើឡើងនៅ Impact Challenger Hall នាក្រុង Pak Kret ខេត្ត Nonthaburi ប្រទេសថៃ នៅថ្ងៃទី ២១ ខែវិច្ឆិកា ឆ្នាំ ២០២៥ ខាងមុខនេះ។
គួរបញ្ជាក់ដែរថា សកម្មភាពនានារបស់បេក្ខភាពបវរកញ្ញាមកពីបណ្ដាប្រទេសជាច្រើន នឹងចាប់ផ្ដើមធ្វើឡើងនៅថ្ងៃទី ០២ ខែវិច្ឆិកា ឆ្នាំ ២០២៥ ខាងមុខនេះ ជាមួយនឹងការអញ្ជើញមកដលើនៃប្រតិភូនៅប្រទេសថៃ៕
