នៅថ្ងៃទី ០៦ ខែសីហា ឆ្នាំ ២០២៥ នេះ ហ្វេសប៊ុកផ្លូវការរបស់ស្ថានទូតកូរ៉េប្រចាំប្រទេសកម្ពុជា បានចេញសេចក្ដីប្រកាសមួយពាក់ព័ន្ធនឹងការចេញផ្សាយថា កូរ៉េបានលក់គ្រាប់ Korean GPS Guided bomb និង យន្តហោះវាយប្រហារធុនស្រាល At-6 TH ទៅឱ្យប្រទេសថៃ ដោយខាងស្ថានទូតបានអះអាងថា នេះជារឿងមិនពិតនោះទេ។
តាមសេចក្ដីប្រកាសរបស់ខាងស្ថានទូតកូរ៉េ បានបញ្ជាក់ច្បាស់ៗថា៖ «យើងខ្ញុំសូមជម្រាបជូនសាធារណជនជ្រាបថា របាយការណ៍ដែលបានចេញផ្សាយក្នុងប្រព័ន្ធផ្សព្វផ្សាយកម្ពុជាមួយចំនួនទាក់ទងនឹងការលក់គ្រាប់ Korean GPS Guided bombដែលផលិតដោយកូរ៉េ និងយន្តហោះវាយប្រហារធុនស្រាលAt-6 TH ឱ្យទៅប្រទេសថៃនោះ គឺជារឿងមិនពិតទេ។ រដ្ឋាភិបាលសាធារណរដ្ឋកូរ៉េស្វាគមន៍ចំពោះកិច្ចព្រមព្រៀងឈប់បាញ់ភ្លាមៗ និងគ្មានលក្ខខណ្ឌរវាងកម្ពុជា និងថៃ ហើយបានសម្តែងក្តីសង្ឃឹមថាភាគីទាំងអស់នឹងអនុវត្តកិច្ចព្រមព្រៀងឈប់បាញ់ដោយស្មោះត្រង់ និងដោះស្រាយជម្លោះដោយសន្តិវិធី»៕
