នៅព្រឹកថ្ងៃទី ២៥ ខែកញ្ញា ឆ្នាំ ២០២៥ នេះ អាជ្ញាធរក្នុងប្រទេសថៃ បានប្រទះឃើញផ្លូវថ្មីមួយទៀតចម្ងាយប្រមាណ ២ គីឡូម៉ែត្រពីទីតាំងព្រះធរណីស្រូបនៅបាងកក មានជ្រាបទឹក និង ឡើងប៉ោង។
ដោយភ័យខ្លាចព្រះធរណីមិនប្រណីស្រូបទៅជាថ្មីម្ដងទៀត ខាងអាជ្ញាធរក៏បានយកប៉ារ៉ាស់មកព័ទ្ធបិទចំណុចផ្លូវធ្លាយទឹកមួយនោះភ្លាមៗ ដើម្បីជាការពារពីគ្រោះថ្នាក់ដែលអាចកើតមានឡើងដូចកាលពីថ្ងៃម្សិលមិញ។
គួររំឭកថា កាលពីវេលាម៉ោងប្រមាណ ៧ ព្រឹកថ្ងៃទី ២៤ ខែកញ្ញា ឆ្នាំ ២០២៥ កន្លងទៅ មានករណីបាក់ស្រុតផ្លូវដ៏ខ្លាំងក្លាមួយនៅខាងក្រៅមន្ទីរពេទ្យ Vajira កណ្ដាលក្រុងបាងកក ប្រទេសថៃ ដោយការបាក់ស្រុតនេះមានទំហំដល់ ៣០ ម៉ែត្រ និង ជម្រៅទៅក្រោមរហូតដល់ ៥០ ម៉ែត្រ៕
ប្រភព៖ Khaosod English
