នៅថ្ងៃទី ២៩ ខែសីហា ឆ្នាំ ២០២៥ នេះ តុលាការធម្មនុញ្ញថៃបានសម្រេចដកហូតតំណែងនាយករដ្ឋមន្ត្រីពីលោកស្រី Paetongtarn Shinawatra ជាផ្លូវការហើយ។
ក្រោយត្រូវបានតុលាការធម្មនុញ្ញថៃ ព្យួរតំណែងអស់រយៈពេលជិត ២ ខែមកនេះ ជុំវិញបណ្ដឹងចោទប្រកាន់ពីសមាជិកព្រឹទ្ធសភាថៃថាលោកស្រីមានភាពមិនស្មោះត្រង់ និង បំពានក្រមសីលធម៌នៃរដ្ឋធម្មនុញ្ញ អំឡុងពេលនិយាយទូរស័ព្ទដោះស្រាយបញ្ហាវិវាទព្រំដែងជាមួយសម្តេចតេជោ ហ៊ុន សែន ដោយកិច្ចសន្ទនានោះក្រោយមកត្រូវបានបែកធ្លាយជាសាធារណៈ ឥលូវនេះវាសនាជានាយករដ្ឋមន្ត្រីប្រទេសថៃរបស់ Paetongtarn រយៈពេលត្រឹម ១ ឆ្នាំ គិតតាំងពីថ្ងៃឡើងកាន់តំណែងកាលពីខែសីហា ឆ្នាំ ២០២៤ កន្លងមកនោះ ត្រូវបានបញ្ចប់នៅក្នុងថ្ងៃនេះហើយ៕
