នៅថ្ងៃទី ២១ ខែមិថុនា ឆ្នាំ ២០២៥ នេះ សារព័ត៌មានថៃ Khaosod English បានចេញផ្សាយព័ត៌មានបន្ទាន់មួយដោយឯកអគ្គរាជទូតថៃប្រចាំប្រទេសកម្ពុជា ត្រូវបានខាងក្រសួងការបរទេសថៃកោះហៅត្រឡប់ឱ្យទៅប្រទេសរបស់ខ្លួនវិញ។
បើតាមប្រភពពីខាងនាយកដ្ឋានព័ត៌មានប្រចាំក្រសួងការបរទេសថៃ បានទទូចថា ទំនាក់ទំនងរវាងប្រទេសកម្ពុជា និង ថៃ គឺមិនបានធ្លាក់ចុះ ឬ អាក្រក់ខ្លាំងដូចដែលសារព័ត៌មានក្នុងតំបន់មួយចំនួនបានចេញផ្សាយនោះឡើយ ហើយការកោះហៅឯកអគ្គរាជទូតថៃត្រឡប់មកទីក្រុងបាងកកវិញជាបណ្ដោះអាសន្ននេះ គឺដើម្បីមកពិភាក្សាគ្នា៕
