តារាសម្ដែងស្រីចិនម្នាក់ ត្រូវសង្សារសុំបែក ព្រោះទទួលយកឈុតថើបគ្នាជាមួយតួអង្គប្រុសមិនបាន

តារាសម្ដែងចិន Xu Ziyin ថ្មីៗនេះធ្វើឱ្យមហាជនអ្នកគាំទ្រផ្ទុះការចាប់អារម្មណ៍ជាខ្លាំង នៅពេលរូបនាងចេញមកនិយាយថា មិត្តប្រុសនាងបានសុំនាងបែកគ្នាក៏ព្រោះតែគេទទួលយកឈុតឆាកថើបគ្នាជាមួយតួអង្គប្រុសដែលនាងសម្ដែងជាមួយគ្នាមិនបាន។

តាមរយៈវីដេអូដែលបានបង្ហោះលើផេកផ្ទាល់ខ្លួន កាលពីថ្ងៃទី ០២ ខែកញ្ញា ឆ្នាំ ២០២៥ កន្លងទៅ តារាស្រី Xu Ziyin បាននិយាយថា នាង និង មិត្តប្រុសគឺមានទំនាក់ទំនងជាមួយគ្នាស៊ីជម្រៅណាស់ ពួកគេគោរពតំណែងរៀងៗខ្លួន និង ថែមទាំងគិតដល់ចង់រៀបការជាមួយគ្នាទៀត។

យ៉ាងណាមិញ ថ្មីៗនេះ ពួកគេទាំងពីរស្រាប់តែកើតមានទំនាស់ជាមួយគ្នាខ្លាំង នាងស្រឡាញ់ការសម្ដែងហើយធម្មតានាងមិនអាចបដិសេធឈុតឆាកថើបគ្នាដែលតម្រូវតាមស្គ្រីបផ្ដល់ឱ្យនោះឡើយ ហើយនាងក៏គិតថានេះគឺគ្រាន់តែជាការងារនឹងមិនប៉ះពាល់ដល់ទំនាក់ទំនងស្នេហារបស់នាងឡើយ។ ទោះជាយ៉ាងណា មិត្តប្រុសរបស់នាងគឺមិនព្រមទទួលយោគយល់ចំណុចនេះ បើទោះជានាងព្យាយាមពន្យល់ច្រើនដងក៏ដោយ។

តារាសម្ដែងស្រី Xu Ziyin អាយុ ២៩ ឆ្នាំ បានបញ្ចប់ការសិក្សាពី Shanghai Drama Academy និង បានចូលប្រឡូកក្នុងវិស័យសម្ដែងតាំងពីឆ្នាំ ២០១៨ មក។ រឿងដែលនាងធ្លាប់សម្ដែងរួមមានរឿង «The Best Girlfriend» «The Girl Who Sees Smells» និង «Hello Qiao An» ជាដើម។ ក្រៅពីនេះ នាងក៏មានភាពសកម្មខ្លាំងលើការសម្ដែងក្នុងរឿងខ្លីៗ ដោយរឿងរបស់នាងមួយចំនួនផ្ទុះការទស្សនាយ៉ាងច្រើនលើបណ្ដាញសង្គម Douyin៕

ប្រភព ៖ VN Express