អ្នកទេសចរជនជាតិចិនចំនួន ២ នាក់ (ស្រីម្នាក់ ប្រុសម្នាក់) កំពុងបង្កការខឹងសម្បាយ៉ាងខ្លាំងនៅប្រទេសកូរ៉េខាងត្បូង ក្រោយមានកាមេរ៉ាថតបានពួកគេកំពុងបន្ទោបង់ជាប់ជញ្ជាំងថ្មនាទីតាំងរាជវាំង Gyeongbokgung ដែលជាទីតាំងប្រវត្តិសាស្ត្រដ៏ល្បីល្បាញបំផុតមួយនៅកូរ៉េ។
ហេតុការណ៍នេះដែរបានកើតឡើងកាលពីថ្ងៃទី ១០ ខែវិច្ឆិកា ឆ្នាំ ២០២៥ កន្លងទៅ។ តាមរូបភាពដែលកាមេរ៉ាថតបាន បង្ហាញឱ្យឃើញបុរស និង ស្ត្រី ចិន វ័យកណ្ដាល ២ នាក់ អង្គុយចោងហោងបន្ទោបង់ជាប់ជញ្ជាំងរបងវាំង ទាំងដៃមានកាន់ក្រដាសអនាម័យ។
ក្រោយបន្ទោបង់រួចរាល់ ពួកគេក៏ងើបដើរចេញធម្មតាដូចមិនមានរឿងអ្វីកើតឡើង ប៉ុន្តែក៏ត្រូវបានកាក់សួរនាំដោយប៉ូលិសដើរល្បាតនៅទីនោះ។
តាមសារព័ត៌មានកូរ៉េបានឱ្យដឹងថា ករណីមួយនេះ បុរសជាជនជាតិចិនខាងលើត្រូវផាកពិន័យជាសាច់ប្រាក់ចំនួន ៥ ម៉ឺនវ៉ុន (ជាង ៣៤ ដុល្លារ) ខណៈស្ត្រីជនជាតិចិន មិនបានឃើញបញ្ជាក់ថាទទួលពិន័យអ្វីឡើយ៕
