ថ្មីៗនេះ មានវីដេអូមួយនៅប្រទេសចិនកំពុងទទួលបានការចាប់អារម្មណ៍ជាខ្លាំង ដោយវីដេអូនោះថតនូវសកម្មភាពរបស់ស្ត្រីចំណាស់ម្នាក់ច្រឡោតតោតតូងផ្អើលគេឯងពេញរោងកុននៅតំបន់ Xinjiang ក្រោយត្រូវអ្នកទៅមើលកុនដទៃទៀតទាញទូរស័ព្ទថតគាត់ ព្រោះតែប្រាប់គាត់កុំមិនតាម រឿងនិយាយសាច់រឿងឮៗប៉ះពាល់គេកំពុងមើលកុន។
តាមសារព័ត៌មាន Sinar Harian បានឱ្យដឹងថា ស្ត្រីចំណាស់ខាងលើបានធ្វើឱ្យអ្នកទៅមើលកុនដទៃទៀតមានអារម្មណ៍មិនល្អ ក៏ព្រោះតែគាត់និយាយជជែកវែកញែកសាច់រឿងឥតឈប់អំឡុងពេលរឿងកំពុងតែចាក់បញ្ចាំង។ ស្ត្រីរូបនោះនិយាយពន្យល់សាច់រឿងឮៗ និង ថែមទាំងអានបារ៉ូលតួអង្គលើស្គ្រីនបញ្ចាំងថែមទៀត។
ជាងនេះទៅទៀតនោះ គាត់ថែមទាំងនិយាយគំហកតបទៅអ្នកក្បែរខាងទៀត ពេលគេប្រាប់ឱ្យគាត់និយាយតិចៗទៅ។ អ្នកទៅមើលផ្សេងទៀតប្រាប់គាត់យ៉ាងណាក៏គាត់មិនតាមរហូតដល់កើតរឿងជម្លោះទាស់ទែងតឹងសរសៃកដាក់គ្នាផ្អើលពេញរោងកុន។
អ្នកទៅមើលកុនដទៃទ្រាំនឹងចរិតស្ត្រីចំណាស់នោះមិនបានរហូតទាញទូរស័ព្ទថត ដែលជាហេតុធ្វើឱ្យស្ត្រីនោះខឹងតូងចង់ហក់ទៅវៃគេ ស្រែកជេរគេ និង ថែមទាំងយកកំពុងតែគុជជះទៅលើគេទៀតផង។ វីដេអូនោះដែរ ទទួលបានការចូលមើលយ៉ាងច្រើន និង មានអ្នកចែកចាយបន្តព្រោងព្រាត៕
