កាលពីថ្ងៃទី ១២ ខែមិថុនា ឆ្នាំ ២០២៥ កន្លងទៅ មានហេតុការណ៍ដ៏តក់ស្លុតមួយបានកើតមានឡើងអំឡុងពេលប្រកួត polo match នៅប្រទេសអង់គ្លេស ដោយមហាសេដ្ឋីឥណ្ឌា Sunjay Kapur ប្រធានក្រុមហ៊ុនគ្រឿងបន្លាស់រថយន្ត Sona Comstar បានដួលស្លាប់ភ្លាមៗលើទីលាន ក្រោយត្រូវសត្វឃ្មុំទិចក្នុងមាត់ នៅអាយុ ៥៣ ឆ្នាំ។ ការទិចនេះដែរ មិនត្រឹមធ្វើឱ្យលោករងនូវប្រតិកម្មអាលែកហ្ស៊ីធ្ងន់ធ្ងរប៉ុណ្ណោះទេ ប៉ុន្តែវាក៏បានបង្កទៅជាការគាំងបេះដូងដែលឆក់យកអាយុជីវិតរបស់លោកភ្លាមៗផងដែរ។
តាមអ្នកជំនាញផ្នែកវេជ្ជសាស្ត្របានព្រមានដែរថា ការត្រូវឃ្មុំទិចក្នុងបរិវេណផ្នែកខាងក្នុងរាងកាយដូចជា មាត់ ឬ បំពង់ក ជាដើមនេះ អាចបង្កជាការហើម រាំងស្ទះផ្លូវដង្ហើម ធ្លាក់ចុះសម្ពាធឈាមភ្លាមៗ និង ឈានដល់ការគាំងបេះដូង ដូចករណីរបស់លោក Kapur នេះឯង។
មរណភាពភ្លាមៗរបស់មហាសេដ្ឋីឥណ្ឌារូបនេះ បានធ្វើឱ្យអ្នកជំនួញអភិជនទាំងនៅអង់គ្លេស និង ឥណ្ឌា ជាច្រើនមានការតក់ស្លុតជាខ្លាំង ជាពិសេសនោះ ព្រះរាជបុត្រ William ដែលជាមិត្តជិតស្និទ្ធរបស់លោក៕
