រុក្ខជាតិ Xylaria polymorpha ឬ ហៅឈ្មោះមួយទៀតថា Dead Man’s Finger គឺជាប្រភេទផ្សិតដ៏ចម្លែកម៉្យាង ដែលមានរូបរាងគួរឱ្យញញើតខ្លាច ព្រោសណ្ឋានរបស់វាប្រៀបដូចជាម្រាមដៃម្រាមជើងរបស់សាកសពមនុស្ស។
Dead Man’s Finger គឺជាពពួកផ្សិតផ្ញើខ្លួន រូបរាងដូចម្រាមដៃម្រាមជើងខ្មោច ដែលមួយៗមានប្រវែងប្រហែល ៣ ទៅ ១០ សង់ទីម៉ែត្រ ដែលភាគច្រើនរស់នៅលើដើមឈើ ទាំងឈើរស់ និង ឈើងាប់។ ផ្សិតប្រភេទនេះ ភាគច្រើនប្រទះឃើញមានលើដើមប៉ោម ដើម maple, beech, locust និង ដើម elm tree ជាដើម ។
ផ្សិតម្រាមដៃខ្មោចនេះ ជាពពួកផ្សិតដ៏គ្រោះថ្នាក់ ដោយសារតែវាពឹងលើការស្រូបយកជីវជាតិពីពពួកដើមឈើដែលមានសុខភាពល្អទាំងឡាយ ដើម្បីបំពេញជីវិតរបស់ពួកវា។ រាល់ដើមឈើដែលវាទំនៅ គឺចុងក្រោយតែងតែងាប់៕
