នៅវេលាម៉ោង ១០ និង ០៦ នាទីយប់ថ្ងៃទី ២០ ខែឧសភា ឆ្នាំ ២០២៥ (ពេលវេលាក្នុងតំបន់) ប្រទេស Papua New Guinea បានរងការវាយប្រហារដោយគ្រោះរញ្ជួយដីកម្រិត ៦.៥ រ៉ិចទ័រ ជាមួយជម្រៅ ១០ គីឡូម៉ែត្រ។ គ្រោះរញ្ជួយដីនេះដែរ បានកើតមានឡើងក្នុងចម្ងាយប្រមាណ ៥ ២៦៨ គីឡូម៉ែត្រពីទីក្រុងបាងកក ដោយបង្កជាការរំញ័រតិចតួចប៉ុន្តែមិនមានបង្កការប៉ះពាល់ខូចខាតអ្វីនៅប្រទេសថៃនោះឡើយ។
តាមរបាយការណ៍ ការរំញ័រពីគ្រោះរញ្ជួយដីចំនួន ៧ លើកបានកើតមាននៅប្រទេសមីយ៉ាន់ម៉ា និង ភាគខាងជើងប្រទេសថៃ ក្នុងរយៈពេល ២៤ ម៉ោង ដោយកម្រិតរញ្ជួយមានចន្លោះពី ២.១ ទៅ ៣.៩ រ៉ិចទ័រ ដោយមួយក្នុងចំណោមការរញ្ជួយតូចៗទាំងនោះបានកើតឡើងនៅសង្កាត់ Pai ខេត្ត Mae Hong Son។
បច្ចុប្បន្ន ទាំងប្រទេស Papua New Guinea ប្រទេសថៃ និង មីយ៉ាន់ម៉ា នៅមិនទាន់មានការបញ្ជាក់ពីការខូចខាត ឬអ្នករងរបួសក្នុងហេតុការណ៍គ្រោះរញ្ជួយដីនេះនៅឡើយនោះទេ។ យ៉ាងណាមិញ អាជ្ញធរក្នុងប្រទេសថៃ កំពុងតាមដានយ៉ាងយកចិត្តទុកដាក់លើស្ថានភាពនេះ និង បានណែនាំឱ្យពលរដ្ឋនៅតាមតំបន់ដែលប៉ះពាល់ឱ្យមានការប្រុងប្រយ័ត្ន និង ត្រៀមខ្លួនសម្រាប់ការវិវឌ្ឍបន្ថែម៕
ប្រភព៖ The Nation
