ចាប់តាំងពីព្រឹកថ្ងៃទី ០៧ ខែមករា ឆ្នាំ ២០២៥ កន្លងមក ទីក្រុង Los Angeles សហរដ្ឋអាមេរិក បានជួបប្រទះនឹងភ្លើងឆេះព្រៃដ៏អាក្រក់បំផុតរាលដាលឆាបឆេះយ៉ាងសន្ធោសន្ធៅលើផ្ទៃដីរាប់ពាន់ហិកតា។
ហេតុការណ៍ភ្លើងឆេះព្រៃទ្រង់ទ្រាយធំនេះដែរ បានឆក់យកអាយុជីវិតមនុស្សអស់ ៥ នាក់ និង បំផ្លិចបំផ្លាញផ្ទះសម្បែងពលរដ្ឋអស់ជាច្រើនសន្ធឹក។ ក្នុងនោះដែរ ភូមិគ្រឹះតម្លៃរាប់លានដុល្លាររបស់តារាហូលីវូដល្បីៗជាច្រើនដូចជា Mandy Moore, Anna Faris, Paris Hilton, Bozoma Saint John, Jeff Bridges, Billy Crystal, Spencer Pratt, Heidi Montag, Cary Elwes, James Woods, Diane Warren, Cameron Mathison, Ricki Lake រួមទាំងតារាមួយចំនួនទៀតក៏ត្រូវបានភ្លើងលេបត្របាក់ខ្ទេចគ្មានសល់ដូចគ្នា។
គ្រោះមហន្តរាយភ្លើងឆេះព្រៃដ៏អាក្រក់បំផុតនៅដើមឆ្នាំ ២០២៥ នេះគឺមានលក្ខណៈទ្រង់ទ្រាយធំខ្លាំងរហូតអាចមើលឃើញការខូចខាតយ៉ាងច្បាស់ពីលើអាកាស។ ជាក់ស្ដែង មានការទម្លាយរូបភាពពីផ្កាយរណបដែលបង្ហាញឱ្យឃើញទំហំនៃការបំផ្លិចបំផ្លាញបង្កដោយភ្លើងឆេះព្រៃតំបន់ Pacific Palisades លេបត្របាក់ព្រៃឈើ ផ្ទះសម្បែងពលរដ្ឋលើផ្ទៃដីរាប់ពាន់ហិកតាឱ្យក្លាយទៅជាផេះផង់៕
ប្រភព៖ 9GAG
