មុននេះបន្តិច ទីក្រុងបាងកក ប្រទេសថៃ បានរងការវាយប្រហារដោយគ្រោះរញ្ជួយដីកម្រិត ៧.៧ រ៉ិចទ័រ បង្កឱ្យអគារជាច្រើនរញ្ជួយដីយោលយោគ មនុស្សរត់ប្រសាចគួរឱ្យរន្ធត់បំផុត។
តាមភ្នាក់ងារជំនាញខាងភូមិសាស្ត្រ GFZ របស់អាល្លឺម៉ង់បានឱ្យដឹងថា គ្រោះរញ្ជួយដីទាំងកណ្ដាលថ្ងៃត្រង់នេះដែរមានជម្រៅ ១០ គីឡូម៉ែត្រ ជាមួយចំណុចកណ្ដាលស្ថិតនៅប្រទេសមីយ៉ាន់ម៉ា នេះបើតាមរបាយការណ៍បឋម។ ចំពោះទំហំនៃការខូចខាត និង អ្នករងរបួសឬស្លាប់នៅមិនទាន់មានការបញ្ជាក់នៅឡើយទេ។
គួរបញ្ជាក់ថា ទីក្រុងបាងកកមានមនុស្សរស់នៅជាង ១៧ លាននាក់ ដោយភាគច្រើនរស់នៅអាផាតមិនខ្ពស់ៗ។ អ្វីដែលគួរឱ្យស្លុតជាងនេះនោះ គ្រោះរញ្ជួយដីនេះដែរមានកម្លាំងខ្លាំងរហូតអាចឱ្យទឹកបែកខ្ជាយចេញពីអាងនៃអគារខ្ពស់ៗនៅកណ្ដាលក្រុងបាងកក។ ជាមួយគ្នានោះដែរ មនុស្សក្នុងអគារខ្ពស់ៗជាច្រើន ត្រូវបានជំរុញជម្លៀសចេញពីអគារភ្លាមៗ ខណៈអគារទាំងនោះត្រូវបានរញ្ជួយខ្លាំងក្នុងគ្រោះធម្មជាតិដ៏ខ្លាំងក្លា និង កម្រមួយនេះ៕
ប្រភព៖ AP News
