កាលពីយប់ថ្ងៃទី ១០ ខែមីនា ឆ្នាំ ២០២៥ កន្លងទៅ សារព័ត៌មាន និង សាធារណជនជាច្រើនមានការភ្ញាក់ផ្អើលជាខ្លាំងក្រោយមាន channel youtube មួយទម្លាយថា តារាសម្ដែង Kim Soo Hyun និង Kim Sae Ron បានទាក់ទងស្នេហាគ្នារយៈពេល ៦ ឆ្នាំតាំងពីតារាស្រីរូបនោះមានអាយុត្រឹម ១៥ ឆ្នាំប៉ុណ្ណោះ។ អ្នកដែលចេញមកអះអាងពីរឿងនេះដែរគឺថាខ្លួនជាម្ដាយមីងរបស់ Kim Sae Ron ដោយរូបគាត់បានទម្លាយរឿងទាំងអស់នេះនៅលើ channel youtube មួយឈ្មោះ Garo Sero Institute។ យ៉ាងណាមិញ ក្រោយការទម្លាយពីទំនាក់ទំនង ឬការប៉ះពាល់រាងកាយក្មេងស្រីទាំងមិនទាន់គ្រប់អាយុនេះ ខាងតារាប្រុស Kim Soo Hyun ក៏បានចេញមុខមកបដិសេធ រួមទាំងមានចំណាត់ការទៅតាមផ្លូវច្បាប់ផងដែរ។
ដោយឡែក ក្រោយការចេញប្រកាសបដិសេធពីភាគីខាងតារាសម្ដែងប្រុស Kim Soo Hyun សារព័ត៌មាន 163 ដែលជាសារព័ត៌មានរបស់ប្រទេសចិន បានកំពុងធ្វើឱ្យមានការផ្ទុះវែកញែកកាន់តែក្ដៅគគុកក្រោយពួកគេបានទម្លាយថា ក្រុមគ្រួសាររបស់ Kim Sae Ron មានភស្តុតាងដែលមិនអាចប្រកែកបានដែលបញ្ជាក់ថា Kim Soo Hyun បានមានទំនាក់ទំនងមិនសមរម្យជាមួយក្មេងស្រីមិនទាន់គ្រប់អាយុ។ ភស្តុតាងទាំងនោះគឺជារូបភាពល្អូកល្អិនគ្នាចំនួន ២០០ សន្លឹកនៃ Kim Sae Ron និង Kim Soo Hyun អំឡុងពេលដែលពួកគេទាំងពីរកំពុងទាក់ទងស្នេហាគ្នា។ ឪពុកម្ដាយ Kim Sae Ron នឹងប្រើប្រាស់ភស្តុតាងទាំងនោះដើម្បីបកអាក្រាតទង្វើរបស់ Kim Soo Hyun ប្រព្រឹត្តជាមួយកូនស្រីរបស់ខ្លួន។
បន្ថែមពីនេះ មហាជននៅចិនក៏រកឃើញដែរថា រូបភាពថតផ្អឹបមុខគ្នាដែល Kim Sae Ron បង្ហោះមុននាងស្លាប់នោះគឺថតក្នុងឆ្នាំ ២០១៦។ ពួកគេអះអាងដោយផ្អែកលើស្ទីលម៉ូដសក់ និង អាវរបស់ Kim Soo Hyun ថត selfie ជាមួយទូរស័ព្ទប្រេន ZUK ក្នុងឆ្នាំ ២០១៦ គឺដូចគ្នាទៅនឹងរូបថតស្និទ្ធស្នាលដែល Kim Sae Ron ទម្លាយនោះ។ មែនទែនទៅ ក្នុងឆ្នាំ ២០១៦ Kim Sae Ron មានអាយុត្រឹម ១៦ ឆ្នាំប៉ុណ្ណោះ។
បច្ចុប្បន្ន រឿងពិតប្រាកដយ៉ាងណានៅមិនទាន់បានដឹងនៅឡើយទេ ប៉ុន្តែមហាជនជាច្រើនកំពុងផ្ទុះការវែកញែកខ្លាំងមែនទែនជុំវិញរឿងរ៉ាវមួយនេះ៕
ប្រភព៖ Kenh14
