សារព័ត៌មាន Daily Mail ថ្មីៗនេះ បានចេញផ្សាយពីការសិក្សាមួយដែលអះអាងថា វ៉ាក់សាំងកូវីដ-១៩ គឺបង្កហានិភ័យនៃការកើតមានជំងឺមហារីកច្រើនប្រភេទ។ ការសិក្សានេះដែរ ធ្វើឡើងដោយក្រុមអ្នកស្រាវជ្រាវក្នុងប្រទេសកូរ៉េខាងត្បូង ដោយពួកគេបានរកឃើញតឹកតាងថា ការចាក់វ៉ាក់សាំងខាងលើនេះ គឺអាចឱ្យអ្នកចាក់ប្រឈមហានិភ័យជំងឺមហារីក ៦ ប្រភេទ ក្នុងនោះរួមទាំងមហារីកសួត មហារីកសុដន់ និង មហារីកក្រពេញប្រូស្តាតផងដែរ។
ការសិក្សាថ្មីនេះ គឺបានធ្វើឡើងលើមនុស្សពេញវ័យចំនួនជាង ៨.៤ លាននាក់ នៅចន្លោះឆ្នាំ ២០២១ និង ២០២៣។ អ្នកចូលរួមទាំងអស់ត្រូវបានគេបែងចែកចេញជា ២ ក្រុម ផ្អែកទៅលើថាពួកគេបានចាក់វ៉ាក់សាំងកូវីដ និង អត់បានចាក់។ អត្រានៃការកើតមានជំងឺមហារីក គឺត្រូវបានប្រៀបធៀបរវាងអ្នកចាក់វ៉ាក់សាំង និង អ្នកដែលអត់បានចាក់ ក្រោយរយៈពេលមួយឆ្នាំ។
ជាលទ្ធផលមួយឆ្នាំក្រោយមក ក្រុមអ្នកស្រាវជ្រាវបានរកឃើញថា អ្នកដែលចាក់វ៉ាក់សាំងយ៉ាងតិចមួយលើក មានអត្រាហានិភ័យកើតមហារីកក្រពេញទីរ៉ូអ៊ីតចំនួន ៣៥% មហារីកក្រពះ ៣៤% មហារីកសួត ៥៣% និង មហារីក្រពេញប្រូស្ដាត ៦៨%។ ជាមួយគ្នានោះសម្រាប់ហានិភ័យមហារីកសុដន់វិញក៏កើនឡើង ២០% និង មហារីកពោះវៀនធំចំនួន ២៨%៕
ប្រភព៖ Dailymail
