Sugar daddy ដែលប្រិយមិត្តកម្ពុជាភាគច្រើនតែងនាំគ្នាហៅលេងសើចថា «ប៉ាស្ករ» នោះ គឺសំដៅលើបុគ្គលមានវ័យចំណាស់ មានទ្រព្យសម្បត្តិស្តុកស្តម្ភ តែងតែជួយដល់មនុស្សវ័យក្មេងជាប្រាក់ កាដូ ឬបទពិសោធនានា ជាថ្នូរនឹងការតបស្នងដោយក្ដីស្រឡាញ់ជាដៃគូស្នេហា ឬការព្រមព្រៀងអ្វីមួយដែលពួកគេយល់ព្រមជាមួយគ្នា។
បើតាម Seasia.stats ការសិក្សាមួយបានបង្ហាញពីបញ្ជី Top 10 នៃប្រទេសនៅអាស៊ីដែលមានចំនួន sugar daddy ខ្ពស់ជាងគេបំផុត។ ក្នុងនោះ ប្រទេសម៉ាឡេស៊ីស្ថិតក្នុងចំណាត់ថ្នាក់លេខ ៣ ខណៈប្រទេសជប៉ុនស្ថិតនៅលេខរៀងទី ៤ ដោយប្រទេសទាំង ២ នេះមានលំដាប់ពិន្ទុស្មើគ្នា មាន sugar daddy ចំនួន ៣២.៥ ពាន់នាក់។
ដោយឡែក ចំពោះប្រទេសស្ថិតលើកំពូលតារាងដែលមានចំនួន sugar daddy ច្រើនជាងគេបំផុតនោះគឺបានទៅលើប្រទេសឥណ្ឌា ដោយមាន sugar daddy ចំនួន ៣៣៨ ពាន់នាក់ ខណៈប្រទេសឥណ្ឌូនេស៊ីជាប់ចំណាត់ថ្នាក់លេខ ២ មានចំនួន ៦០.២៥ ពាន់នាក់។ ហុងកុង ជាប់ចំណាត់ថ្នាក់លេខ ៥ (២៨.៦ ពាន់នាក់), តៃវ៉ាន់ ជាប់លេខ ៦ (២៧.៣ ពាន់នាក់), ចំណាត់ថ្នាក់លេខ ៧ បានទៅលើប្រទេសវៀតណាម, លេខ ៨ បានទៅលើប្រទេសកូរ៉េខាងត្បូង, លេខ ៩ បានទៅលើប្រទេសស្រីលង្កា និង ចុងក្រោយគេ ចំណាត់ថ្នាក់លេខ ១០ បានលើប្រទេសកម្ពុជាយើង មាន sugar daddy ត្រឹម ៣.៥ ពាន់នាក់ប៉ុណ្ណោះ៕
