តារាសម្ដែងស្រីនៅអង់គ្លេស សញ្ជាតិម៉ាឡេស៊ី Pik-Sen Lim ដែលផ្ទុះប្រជាប្រិយភាពខ្លាំងក្នុងនាមជាតួអង្គមួយរូបប្រចាំរឿងកំប្លែង «Mind Your Language» បានទទួលមរណភាពកាលពីថ្ងៃទី ០៩ ខែមិថុនា ឆ្នាំ ២០២៥ កន្លងទៅ ក្នុងវ័យ ៨០ ឆ្នាំ។
លោកស្រី Lim គឺផ្ទុះប្រជាប្រិយភាពមានអ្នកស្គាល់ជាអន្តរជាតិ ក្នុងនាមជាតួអង្គ Chung Su-Lee កូនសិស្ស Mr. Brown ប្រចាំរឿងកំប្លែងអង់គ្លេសដ៏ល្បីល្បាញជំនាន់ឆ្នាំ ១៩៧០ គឺរឿង «Mind Your Language» ។
ក្រៅពីរឿងមួយនេះ លោកស្រីក៏បង្ហាញខ្លួនសម្ដែងក្នុងភាពយន្តល្បីៗជាច្រើនទៀតផងដែរដូចជារឿង «Doctor Who» «Spearhead», «Coronation Street», «Casualty», «Holby City», «Johnny English Reborb» និង រឿង «The Bill» ជាដើម។
ដំណឹងដ៏សោកសៅនៃមរណភាពរបស់តារាសម្ដែងជើងចាស់ដ៏មានទេពកោសល្យរូបនេះ បានធ្វើឱ្យមិត្តៗរួមសិល្បៈក៏ដូចជាអ្នកគាំទ្រលោកស្រីមានការសោកស្ដាយ និង ចូលរួមរំលែកទុក្ខគ្រប់ៗគ្នា៕
