មកទល់ពេលនេះ ករណីរឿងរ៉ាវរបស់បុរសបន្លំជាស្រីរហស្សនាមថា «ចែ ហុង» គឺនៅតែក្ដៅគគុកមិនទាន់សាបរលុបនៅឡើយ ដោយវីដេអូរបស់ចែ ហុង ជាមួយនឹងបុរសៗសង្ហាជាច្រើនរូបគឺនៅតែបន្តចែកចាយព្រោងព្រាតដដែល។
ជាមួយវីដេអូដែលចែកចាយនោះដែរ មានវីដេអូមួយរបស់បុរសម្នាក់គឺមានមុខមាត់ស្រដៀងខ្លាំងនឹងមេធាវីដ៏ល្បីមួយរូបនៅប្រទេសម៉ាឡេស៊ីឈ្មោះ Kong Jau Sang រហូតលោកត្រូវបង្ខំចិត្តចេញមកបញ្ជាក់ច្បាស់ៗលើបណ្ដាញសង្គមហ្វេសប៊ុកថា បុរសក្នុងវីដេអូជាមួយចែ ហុង នោះគឺមិនមែនជារូបលោកនោះឡើយ ទោះបីមុខមាត់ស្រដៀងគ្នាមែន។
តាមការបង្ហោះបញ្ជាក់របស់លោក Jau Sang កាលពីថ្ងៃទី ១៣ ខែកក្កដា ឆ្នាំ ២០២៥ កន្លងទៅ លោកបានឱ្យដឹងថា លោកទទួលបានសារជាច្រើនក្នុងកម្មវិធី WhatsApp និង Instagram ដោយមហាជនជាច្រើនបានទាក់ទងមកលោករឿងរូបភាពរបស់បុរសម្នាក់ក្នុងបន្ទប់ជាមួយចែ ហុង មានមុខដូចលោកខ្លាំង។ ជាការឆ្លើយតបនឹងការសង្ស័យនេះ លោក Jau Sang ក៏បានបញ្ជាក់យ៉ាងច្បាស់ៗថា៖ «ខ្ញុំស្បថថាបុរសក្នុងរូបនោះគឺមិនមែនជាខ្ញុំឡើយ។ គេមើលទៅមុខដូចខ្ញុំមែន ប៉ុន្តែមិនមែនខ្ញុំឡើយ។ ខ្ញុំមិនមែនដល់ថ្នាក់ស្រេកឃ្លានខ្លាំងទៅរកមនុស្សដើម្បីបន្ធូរអារម្មណ៍ខ្លួនឯងឡើយ»។
លោក Jau Sang បាននិយាយទៀតថា៖ «ខ្ញុំធ្លាប់មានមិត្តស្រីជាច្រើន ហើយពួកគេសុទ្ធតែត្រូវតាមស្ដង់ដារខ្ញុំ។ ប្រសិនបើពួកគេមិនត្រូវស្តង់ដារខ្ញុំ ខ្ញុំក៏មិនទៅញ៉ាំអាហារល្ងាចជាមួយពួកគេដែរ»។ ទម្លាយបញ្ជាក់ក្នុងវីដេអូមួយទៀត លោក Jau Sang ក៏បានអះអាងទៀតថាលោកមិនមែនជាបុរសស្រឡាញ់ភេទដូចគ្នាឡើយ ហើយលោកក៏មិនធ្លាប់បានទៅប្រទេសចិនដែរ។ លោកបកស្រាយបន្ថែមថា ចំណងចំណូលចិត្តលោកលើមនុស្សស្រីគឺមិនអន់នោះទេ ហើយចែ ហុង នោះក៏មិនត្រូវរសជាតិលោកដែរ៕
ប្រភព៖ World Of Buzz
