បុរសសង្ហាដំបូង ចេញមកទទួលស្គាល់ថាធ្លាប់ពាក់ព័ន្ធនឹង ចែហុង តែសុំចិត្តមហាជនឱ្យដោះលែងលោក ដើម្បីទៅកសាងជីវិតថ្មី

ករណីបែកធ្លាយរូបភាព និង វីដេអូក្ដៅសាច់រវាងបុរសៗសង្ហាៗជាច្រើននាក់ជាមួយបុរសបន្លំជាស្រីរហស្សនាមថា «ហុង» គឺនៅតែជាប្រធានបទក្ដៅគគុកពាសពេញបណ្ដាញសង្គមនានា ដោយវីដេអូបង្ហាញមុខបុរសសង្ហាៗសាច់ដុំធំៗជាច្រើននៅតែឃើញបន្តចែកចាយដដែល។

ស្របពេលរឿងរ៉ាវហាក់មិនស្ងប់រលុប ថ្មីៗនេះ បុរសសង្ហាម្នាក់វ័យ ២៥ ឆ្នាំ បានចេញមុខមកប្រកាស និង ទទួលស្គាល់ជាសាធារណៈថារូបលោកគឺបានប្រព្រឹត្តសកម្មភាពក្ដៅសាច់ជាមួយចែ ហុង ពិតប្រាកដមែន។ ប្រកាសលើផេកផ្ទាល់ខ្លួនរបស់លោក បុរសសង្ហារូបនេះបាននិយាយថា លោកគឺត្រូវបានលួចថតវីដេអូអំឡុងពេលមានអីៗនៅផ្ទះចែ ហុង ហើយវីដេអូនោះក៏ត្រូវបានចែកចាយបន្តដូចព្យុះនៅតាមបណ្ដាញសង្គម។

ត្រឹមតែការសម្គាល់លើអាវយឺតពណ៌ខ្មៅមានរូបឆ្អឹងក្បាលគោ មហាជនតាមបណ្ដាញសង្គមក៏រហ័សដៃរហ័សជើងរកឃើញអត្តសញ្ញាណបុរសរូបនេះភ្លាមតាមរូបភាពលើគណនីផ្ទាល់ខ្លួនរបស់លោក។ ពួកគេលម្អិតសូម្បីតែវ៉ែនតា ម៉ូដសក់ រាងរ៉ូវ និង សូម្បីតែស្បែកជើងដែលពាក់នៅកន្លែងហាត់ប្រាណ គឺស៊ីគ្នាម៉ាច់នឹងបុរសក្នុងវីដេអូរបស់ចែហុង។

ក្រោយទទួលរងការវាយប្រហារដោយពាក្យសម្ដីខ្លាំងក្លាពេកតាមរយៈការផ្ញើសារ និង ខមមិន បុរសវ័យ ២៥ ឆ្នាំខាងលើក៏ត្រូវបង្ខំចិត្តចេញមកនិយាយ និង ប្រកាសដោយផ្ទាល់ថា៖ «ខ្ញុំបានរាយការណ៍ប្រាប់ប៉ូលិសហើយ ជីវិតខ្ញុំគឺរញ៉េរញ៉ៃខ្លាំងណាស់ពេលនេះ។ ខ្ញុំកំពុងត្រៀមខ្លួនចាកចេញពី Nanjing ទៅចាប់ផ្ដើមជីវិតថ្មីនៅក្រុងមួយផ្សេងទៀត»។

បុរសដដែលបានចែករំលែកទៀតថា លោកក៏បានទៅពិនិត្យសុខភាពហើយដែរលើជំងឺអេដស៍ និង ជំងឺស្វាយ ហើយក៏សុំចិត្តមហាជនឱ្យឈប់តិះដៀលលោកទៀតទៅ៕