នៅថ្ងៃទី ៣១ ខែកក្កដា ឆ្នាំ ២០២៥ នេះ ក្រសួងការពារជាតិប្រចាំប្រទេសកម្ពុជា បានចេញលិខិតប្រកាសអញ្ជើញឯកឧត្តម ណាត់ថាផុង ណាកផានិច រដ្ឋមន្ត្រីស្ដីទីក្រសួងការពារជាតិនៃព្រះរាជាណាចក្រថៃ ដើម្បីចូលរួមកិច្ចប្រជុំ GBC ដែលនឹងត្រូវធ្វើឡើងនៅថ្ងៃទី ៤ ខែសីហា ឆ្នាំ ២០២៥ ខាងមុខ នារាជធានីភ្នំពេញនៃព្រះរាជាណាចក្រកម្ពុជា។
តាមរយៈការបង្ហោះផ្លូវការរបស់ក្រសួងការពារជាតិកម្ពុជា បានរៀបរាប់ថា៖ «លិខិតអញ្ជេីញឯកឧត្តម ណាត់ថាផុង ណាកផានិច រដ្ឋមន្ត្រីស្តីទីក្រសួងការពារជាតិនៃព្រះរាជាណាចក្រថៃ ដេីម្បីដឹកនាំគណៈប្រតិភូយោធាជាន់ខ្ពស់ ចូលរួមកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ GBC នៅរាជធានីភ្នំពេញ នៃព្រះរាជាណាចក្រកម្ពុជា ដែលនឹងប្រព្រឹត្តទៅនៅថ្ងៃទី ៤ ខែ សីហា ឆ្នាំ ២០២៥»។
សូមអានសេចក្ដីប្រកាសលម្អិតខាងក្រោមនេះ៖
