ជាការពិតណាស់ បន្ទាប់ពីបោះជំហានចូលប្រឡូកក្នុងសិល្បៈសាជាថ្មី ក្រោយស្ងប់ស្ងាត់អស់រយៈពេលជិត ១០ ឆ្នាំ ហើយនោះ ពិធីការិនីល្បីឈ្មោះ អ្នកនាង ពេជ្រ សិរីរ័ត្ន នៅតែឆក់បានប្រជាប្រិយខ្លាំងពីសំណាក់មហាជន ដោយអ្នកនាង បានក្តោបតំណែងជាពិធិការិនីក្នុងកម្មវិធីជាច្រើន។
លើសពីនោះ ក្នុងការវិលត្រឡប់ជាថ្មីនេះ អ្នកនាង ពេជ្រ សេរីរ័ត្ន ក៏បានបង្កើតកម្មវិធីកម្សាន្តផ្ទាល់ខ្លួនមានឈ្មោះថា «ស និង ខ្មៅ» ឬ Black-White TV SHOW ក៏កំពុងផ្ទុះការចាប់អារម្មណ៍យ៉ាងខ្លាំង ពីសំណាក់អ្នកគាំទ្រដូចគ្នា។
ដោយឡែក ក្រឡេកមកមើលសម្រស់របស់អ្នកម៉ាក់កូន ២ ពេជ្រ សេរីរ័ត្ន ឯណោះវិញ បើក្នុងឆ្នាំ ២០២៥ នេះ មានវ័យក្បែរ ៤១ ឆ្នាំ ហើយក្តី ប៉ុន្តែពិធីការិនីរូបនេះ នៅតែស្រស់សោភាដូចដើម។
ជាក់ស្តែង ក្រឡេកទៅមើលកូនៗទាំង ២ របស់អ្នកនាង ពេជ្រ សេរីរ័ត្ន ឯណោះវិញ កាន់តែចម្រើនវ័យធំពេញកំលោះ ក្រមុំ ខណៈអ្នកម៉ាក់រូបនេះ នៅតែក្មេងវ័យ។ ជាងនេះទៅទៀតនោះ ថ្មីៗនេះ អ្នកនាង ពេជ្រ សេរីរ័ត្ន បានបង្ហោះរូបជាមួយនឹងកូនកំលោះច្បងស្រស់សង្ហា កាន់តែធ្វើឱ្យមហាជនលាន់មាត់ថា អ្នកនាង ពេជ្រ សេរីរ័ត្ន គឺពិតជាមានសម្រស់ចាំមែន៕
