កាលពីថ្ងៃទី ០៦ ខែឧសភា ឆ្នាំ ២០២៥ កន្លងទៅនេះ អ្នកលេងបណ្តាញសង្គមហ្វេសប៊ុក ជាពិសេស មិត្តទាំងក្នុង និង ក្រៅរង្វង់សិល្បៈ បាន និង កំពុងបង្ហាញការបារម្ភយ៉ាងខ្លាំងទៅកាន់ភរិយារបស់តារាចម្រៀងរ៉េប KingChi ខណៈលោក បានប្រកាសលក់ផ្ទះជាបន្ទាន់ ដើម្បីព្យាបាលភរិយា។
បើតាមការឱ្យដឹងពីភរិយារបស់លោក KingChi គឺអ្នកនាង ម៉ាណូឡែន បានឱ្យដឹងថា អ្នកនាងខូចតម្រងនោម។ ដោយឡែក ក្រោយពីប្រកាសដំណឹងលក់ផ្ទះ ដើម្បីព្យាបាលជំងឺភរិយាហើយនោះ បើតាមព័ត៌មានលម្អិតបន្ថែមទៀត គឺអ្នកនាង ម៉ាណូឡែន មានជំងឺកាចសាហាវមួយ ដែលតម្រូវប្តូរក្រលៀន។
ក្រោយពីទទួលដំណឹងខាងលើនេះហើយ មហាជន និង មិត្តភក្តិ ទាំងក្នុងក្រៅសិល្បៈជាច្រើន ក៏បានចូលរួមជូនពរដល់ភរិយាលោក KingChi ឱ្យរួចផុតពីជំងឺដ៏កាចសាហាវនេះផងដែរ។ លើសពីនោះ មហាជន និង មិត្តភក្តិ ទាំងក្នុងក្រៅសិល្បៈមួយចំនួន ក៏បានជួយជាថវិកាខ្លះៗ ដើម្បីសម្រាលបន្ទុកនេះដែរ។
ក្នុងនោះ តារាចម្រៀងរ៉េប វណ្ណដា បានជួយថវិកាចំនួន ៥ ពាន់ដុល្លារ, តារាចម្រៀងរ៉េប All3rgy ចំនួន ១៥០ ដុល្លារ, លោក NPN ចំនួន ៣០០ ដុល្លារ, ឌីជេ ក្តិប ចំនួន ១០០ ដុល្លារ, លោក Rith Bros Pov ចំនួន ៣០ ដុល្លារ និង អ្នកនាង ខាត់ សុឃីម ចំនួន ៥០ ដុល្លារ ព្រមទាំងមានមិត្តភក្តិសិល្បករជាច្រើនទៀត៕