កាលពីថ្ងៃទី ១៨ ខែកញ្ញា ឆ្នាំ ២០២៥ កន្លងទៅ មានករណីប្រទះឃើញសពបុរសម្នាក់វ័យ ៦០ បានអណ្តែតនៅក្នុងភូមិមួយដែលកំពុងជន់លិចពីទឹកជំនន់ទន្លេចៅផ្រះយ៉ា។
តាមព័ត៌មានបានឱ្យដឹងថា ហេតុការណ៍នេះបានកើតឡើងនៅក្នុងឃុំបានគុម ស្រុកបាងបាន ខេត្តអយុធ្យា ដែលជាតំបន់ដែលកំពុងតែជន់លិចយ៉ាងខ្លាំងទៅដោយទឹកជំនន់ដែលហូរចេញពីទន្លេចៅផ្រះយ៉ា។ ក្នុងនោះ មានអ្នកភូមិបានជិះទូកនៅតាមភូមិ ក៏បានប្រទះឃើញសពបុរសម្នាក់កំពុងតែអណ្តែតទឹក រួចក៏បានផ្អើលឆោឡោហៅអាជ្ញាធរឱ្យមកជួយយកសពទៅត្រួតពិនិត្យ។
យ៉ាងណាមិញ បុរសដែលបានបាត់បង់ជីវិត ត្រូវបានគេស្គាល់ថាជាអ្នកភូមិនេះផ្ទាល់ រស់នៅតែម្នាក់ឯង ហើយតែងតែតោងទូកចេញចូលផ្ទះជានិច្ច មិនសូវឡើងអុំឡើយ ហើយដោយសារតែទឹកឡើងកាន់តែខ្លាំង ទើបអាចជាមូលហេតុបណ្តាលឱ្យបុរសនេះអាចលង់ទឹកស្លាប់៕
ប្រភព៖ Khaosod
