បើនិយាយពីស្រីស្អាត អាង សុជាតា អាចចាត់ទុកជាតារាសម្ដែងស្រីវ័យក្មេងមួយរូបមានប្រជាប្រិយភាពខ្លាំងក្នុងវិស័យសិល្បៈ ដែលទទួលបានទីផ្សារខ្ពស់លើផ្នែកសម្ដែងភាពយន្ត ឆក់បានការស្រឡាញ់គាំទ្រខ្លាំងពីមហាជនយុវវ័យគ្រប់ស្រទាប់ជាមួយនឹងទេពកោលស្យដ៏ពូកែរបស់នាងក្នុងវិស័យនេះ។
លើសពីនេះ ក្រៅពីសម្ដែងដ៏មានសមត្ថភាព តារាស្រី អាង សុជាតា ក៏ឆក់បានឱកាសក្លាយជាអ្នកតំណាងផលិតផលប្រ៊េនធំៗនៅក្នុងស្រុកជាច្រើនផងដែរ។
ស្របពេលកំពុងជោគជ័យ និង មានកេរ្តិ៍ឈ្មោះកាន់តែល្បីនោះ ក្រឡេកទៅមើលជីវិតឯកជនរបស់តារាសម្ដែងវ័យក្មេងរូបនេះ វិញ ក្នុងវ័យ ២១ ឆ្នាំនេះ ក៏កំពុងតែចាយជីវិតយ៉ាងហាយសូរ ថែមទាំងមានលទ្ធភាពអាចទិញរបស់ទេព្យចេញពីកម្លាំងញើសឈាមខ្លួនឯង ការដើរកម្សាន្តផ្សេងៗ រស់នៅក្នុងជីវិតយ៉ាងរីករាយ និង មានក្ដីសុខជាមួយអ្នកម្ដាយជាទីស្រឡាញ់គឺតារាសម្ដែងរៀមច្បង សឿន ផានផាភួង។
ទាក់ទងនឹងរឿងរ៉ាវស្នេហាវិញ តារាស្រី អាង សុជាតា មួយរយៈក្រោយនេះ ក៏ត្រូវបានមហាជនអ្នកគាំទ្រចាប់អារម្មណ៍ខ្លាំងដែរ ខណៈបានឃើញនាងបង្ហាញពីចំណងស្នេហា Private ដ៏ផ្អែមល្ហែម ជាមួយបុរសអាំងកំបាំងម្នាក់ ដែលមិនទាន់បើកបង្ហាញមុខជាសាធារណៈឡើយ។
ដោយឡែក មកដល់ថ្មីៗនេះ អ្វីដែលធ្វើឱ្យអ្នកគាំទ្រកាន់តែចាប់អារម្មណ៍ខ្លាំងលើស្នេហារបស់តារាស្រីវ័យក្មេងរូបនេះទៀត ក្រោយឃើញនាងបង្ហោះរូបភាពប៉ុន្មានសន្លឹកលើគណនី TikTok ជាមួយនឹងគូស្នេហ៍ ជាបុរសក្រៅសិល្បៈម្នាក់ មានមុខមាត់ រូបរាងស្រស់សង្ហាខ្ពស់ស្រឡះ ដែលមានគណនី TikTok ឈ្មោះថា Montra Kem៕
សូមចុចទីនេះដើម្បីទស្សនាវីដេអូ៖
