នៅវេលាម៉ោងជាង ៧ យប់ ថ្ងៃទី ១៥ ខែកក្កដា ឆ្នាំ ២០២៥ មានករណីពលរដ្ឋថៃចំនួន ៦ នាក់ លួចឆ្លងដែនខុសច្បាប់ចូលមកកម្ពុជា ដើម្បីស្វែងការងារធ្វើ តែត្រូវបានកងកម្លាំងទាហានកម្ពុជា បានឃាត់ខ្លួនទាន់ពេលវេលា។
ទាក់ទិនទៅនឹងករណីនេះ បន្ទាប់ពីការឃាត់ខ្លួន និង សួរនាំ ជនជាតិថៃទាំងនោះបានឆ្លើយតបបញ្ជាក់ឱ្យបានដឹងថា ការលួចឆ្លងដែនខុសច្បាប់ចូលមកកម្ពុជាទាំងយប់នេះ គឺដោយសារតែពួកគេរងទុក្ខដោយសារបិទច្រកព្រំដែន ធ្វើឱ្យបាត់បង់ចំណូល ខ្វះការងារធ្វើ ទើបបង្ខំចិត្តលួចឆ្លងដែនខុសច្បាប់ ឆ្លងទឹកអូតាមព្រំដែន ត្រង់ចំណុចភូមិថ្មី ឃុំអូរស្រឡៅ ស្រុកម៉ាឡៃ ខេត្តបន្ទាយមានជ័យ។
យ៉ាងណាមិញ ក្រោយការសួរនាំសមត្ថកិច្ចកម្ពុជា បានសម្រេចបញ្ជូនពួកគេឱ្យចូលទៅក្នុងប្រទេសថៃវិញ៕
ប្រភព ៖ CNC
