ថ្មីនេះៗ សារព័ត៌មាន CH7 បានរាយការណ៍ឱ្យដឹងថា ទាហានថៃមួយរូបដែលឈរជើងនៅប្រាសាទតាមាន់ធំ បានស្លាប់បាត់បង់ជីវិតនៅក្នុងបន្ទប់ទឹក កាលពីថ្ងៃទី ២៣ ខែសីហា ឆ្នាំ ២០២៥ កន្លងទៅនេះ។
តាមព័ត៌មានបានឱ្យដឹងថា ទាហានរូបនេះមានឈ្មោះថា Pithut Soda ឬហៅថា Noi វ័យ ២០ ឆ្នាំ ជាទាហានដែលឈរជើងនៅប្រាសាទតាមាន់ធំ។ ទាហានរូបនេះ ត្រូវបានគេប្រទះឃើញស្លាប់កាលពីថ្ងៃទី ២៣ ខែសីហា ឆ្នាំ ២០២៥ កន្លងទៅ នៅក្នុងបន្ទប់ទឹកនាបន្ទាយតំបន់ប្រាសាទតាមាន់ធំ។ តាមព័ត៌មានបានឱ្យដឹងទៀតថា Pithut Soda មានជំងឺប្រចាំកាយ ព្រមទាំងធ្លាប់ក្អួតចេញឈាមទៀត ហើយក៏ត្រូវបានគេបញ្ជូនទៅសម្រាកព្យាបាលម្តងហើយ តែទាហានរូបនេះមិនព្រម និង សុំមកប្រតិបត្តិការវិញ ទើបកើតទៅជាការដាច់ខ្យល់ស្លាប់យ៉ាងនេះ។
យ៉ាងណាមិញ ទាហានរូបនេះហើយ ដែលធ្លាប់បានប៉ះទង្គិចគ្នាជាមួយស្រ្តីខ្មែរម្នាក់នៅប្រាសាទតាមាន់ធំ កាលពីថ្ងៃទី ១៥ កក្កដា ឆ្នាំ ២០២៥ កន្លងទៅ ដោយកាលនោះទាហាននេះបានស្រែកគំហកដាក់ស្រ្តីខ្មែរ ហើយបានចង្អុលមុខគ្នា រហូតដល់កើតជាការទាស់ទែងជ្រួលច្របល់ពេញប្រាសាទតាមាន់ធំ៕
ប្រភព៖ CH7
