បុរសបចិត្តទូលាយ បើកដៃឱ្យសង្សារទាក់ទងអ្នកផ្សេង ខ្លួនឯងសុខចិត្តដេកចាំផ្ទះ ចុងក្រោយបានលទ្ធផលស្មានមិនដល់

ស្នេហាបើកដៃឱ្យមានអ្នកទីបី គ្រប់គ្នាគិតថាមិនអាចទៅរួច ប៉ុន្តែគូស្នេហ៍មួយគូនេះ ពិតជាអាច ហើយក៏កំពុងតែរីករាយនឹងទំនាក់ទំនងបែបនេះផងដែរ។ ជារឿងពិត នារីម្នាក់ឈ្មោះ Fernanda Fabian នាងបានសារភាពថា នាង និង បុរសសង្សារឈ្មោះ Michael បានយល់ស្របគ្នា ដោយអនុញ្ញាតឱ្យនាងទាក់ទងជាមួយបុរសដទៃ ខណៈដែលបុរសសង្សារសុខចិត្តដេកនៅផ្ទះ។

នាង និង​ គូស្នេហ៍ បានសម្រេចធ្វើរឿងនេះ តាំងពីពេលចាប់ផ្តើមមានទំនាក់ទំនងគ្នាដំបូង។ ហើយវាពិតជាបានធ្វើឱ្យទំនាក់ទំនងពួកគេកាន់តែស្អិតល្មួត គ្រាន់តែដំបូងៗមានអារម្មណ៍ប្រចណ្ឌបន្តិចបន្តួចប៉ុណ្ណោះ។

បើទោះបុរសសង្សារបើកដៃ ប៉ុន្តែ នាង Fernanda Fabian ថា បទពិសោធនៅពេលចាប់ផ្តើមដំបូង នាងមានអារម្មណ៍ថាខ្លួនឯងខុស ដែលទាក់ទងជាមួយបុរសដទៃ។​ តែយ៉ាងណា នាងពិតជាអរគុណសង្សារជាខ្លាំង ដែលធ្វើឱ្យនាងបានសប្បាយខាងក្រៅ ហើយស្គាល់ពីអារម្មណ៍ស្រលាញ់សង្សារវិញកាន់តែខ្លាំង។ នាងថាទម្រាំនាងសុំានឹងអារម្មណ៍បែបនេះ គឺត្រូវចំណាយពេលយូរគួរសម។

នាង Fernanda Fabian និយាយទៀតថា ឥលូវនេះ សង្សារនាងមិនប្រចណ្ឌទៀតនោះទេ ព្រោះគេមានអារម្មណ៍សុវត្ថិភាពនឹងទំនាក់ទំនងហើយ។ ទោះសង្សារមិនសុំអ្វីច្រើន តែនាងតែងបង្ហាញអារម្មណ៍ស្រលាញ់ និង អរគុណសង្សារ ហើយផ្តល់អាទិភាពស្នេហាចំពោះសង្សារជាចម្បង។

ខណៈខ្លួនបានរីករាយនឹងដៃគូថ្មី នាងក៏ចង់ឱ្យបុរសសង្សារទទួលបានបទពិសោធដូចគ្នា ដើម្បីបំពេញឱ្យគ្នាទៅវិញទៅមក។ តែផ្ទុយទៅវិញ បុរសសង្សារសុខចិត្តដេកនៅផ្ទះ ពេញចិត្តស្នេហាបែបនេះជាង៕

ប្រពភព៖ NYP