កាលពីថ្ងៃទី ០២ ខែមិថុនា ឆ្នាំ ២០២៥ កន្លងទៅ តារាកំប្លែង នាយពាង បានបង្ហោះសារត្រូវការឈាម ៤ សាក់ ដើម្បីធ្វើការវះកាត់ ដោយ នាយពាង បានរៀបរាប់ថា៖ «បាទសួស្ដីបងប្អូន ខ្ញុំបាទ នាយពាង នៅពេលនេះខ្ញុំបានជួបទុក្ខលំបាកសូមបងប្អូនជួយខ្ញុំផ្ដល់ឈាមឱ្យខ្ញុំបាន ៤ សាក់ ដោយសារតែខ្ញុំត្រូវការវះកាត់។ សូមអរគុណ 015747773 077421676 077359476»។
យ៉ាងណាមិញ ការប្រកាសរកជំនួយការផ្តល់ឈាមពី នាយពាង នេះដែរ ក៏មិនបានបញ្ជាក់ថា តើអ្នកណាត្រូវវះកាត់នោះឡើយ ប៉ុន្តែមហាជនបានបន្តចែករំលែកសារនោះ ដោយខ្លះក៏ជូនជាថវិកា និង ជូនពរឱ្យការវះកាត់ទទួលបានជោគជ័យផងដែរ។
ដោយឡែក កាលពីថ្ងៃទី ១០ ខែមិថុនា ឆ្នាំ ២០២៥ មហាជនមានការតក់ស្លុតយ៉ាងខ្លាំង ក្រោយទទួលបានដំណឹងរបស់ នាយពាង ដោយស្ថិតនៅក្នុងបន្ទប់សង្គ្រោះបន្ទាន់ បន្ទាប់ពីធ្វើការវះកាត់រួច។ នេះបើតាមការឱ្យដឹងពីប្អូនស្រីបង្កើតរបស់ នាយពាង បានប្រាប់ទៅកាន់ ឌីជេ កណ្តុរ។
ក្នុងនោះដែរ ប្អូនស្រីរបស់ នាយពាង ក៏បានបញ្ជាក់ពីជំងឺរបស់ នាយពាង ដែរថា គឺលោកកើតមហារីកអណ្តាត និង ម្រីងកូនកណ្តុរ ដោយបច្ចុប្បន្នកំពុងសម្រាកនៅមន្ទីរពេទ្យអង្គឌួង៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
