នៅព្រឹកថ្ងៃទី ០៦ ខែសីហា ឆ្នាំ ២០២៥ នេះ ព្រះករុណជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង ហ្លួងម៉ែ ជាទីគោរពសក្ការៈដ៏ខ្ពង់ខ្ពស់បំផុត ស្តេចទាំងទ្វេសព្វព្រះរាជហឫទ័យ ត្រាសប្រទានឱ្យរៀបចំព្រះរាជពិធីបួងសួងសុំសេចក្តីសុខ ជូនព្រះរាជនគរកម្ពុជា ខាងមុខមណ្ឌបព្រះនរោត្តម (ព្រះអង្គគង់លើសេះ) ក្នុងព្រះបរមរាជវាំង។ នេះបើតាមការឱ្យដឹងពីផេក វប្បធម៌ខ្មែរ នៅព្រឹកថ្ងៃទី ០៦ ខែសីហា ឆ្នាំ ២០២៥ នេះ។
តាមប្រភពបានឱ្យដឹងថា តាមរយៈព្រះរាជពិធីបួងសួងសុំសេចក្តីសុខនេះ ព្រះករុណាជាអម្ចាស់ជីវិតលើត្បូង និង ហ្លួងម៉ែ ជាទីគោរពសក្ការៈដ៏ខ្ពង់ខ្ពស់បំផុត បានសម្បូងសម្រោងនិមន្ត យាងមកគ្រប់ៗព្រះអង្គ ទេព្តារក្សាមហាស្វេតឆ័ត្រ ព្រះរាជបាល័ង្គ ព្រះរាជដួងវិញ្ញក្ខន្ធនៃអតីតព្រះមហាក្សត្រ-ព្រះមហាក្សត្រិយានីខ្មែរគ្រប់រជ្ជកាល សូមព្រះករុណាថ្លៃវិសេសគ្រប់ព្រះអង្គ ប្រោសព្រះរាជទានពរជ័យសិរីមហាប្រសើរជូនទៅដល់មហាកងទ័ពខ្មែរ ដ៏ខ្លាំងមោះមុះ នៃព្រះរាជាណាចក្រកម្ពុជា ទទួលបានជោគជ័យលើសមរភូមិពីការឈ្លានពានរបស់ពួកបច្ចាមិត្ត៕
ប្រភព ៖ វប្បធម៌ខ្មែរ
