ថ្មីៗនេះ លើហ្វេសប៊ុកផេករបស់លោក អ៊ឹម ជីវ៉ា បានបង្ហោះសារបង្ហាញប្រតិកម្មក្ដៅចិត្តខ្លាំងក្នុងនាមជាប្រជាជនខ្មែរមួយរូប ក្រោយពីបានឃើញការបង្ហោះរបស់ម្ចាស់កម្មវិធី MGI ណាវ៉ាត់ បាននិយាយពាក់ព័ន្ធនឹងរដ្ឋាភិបាលកម្ពុជាក្នុងចេតនាឡកឡើយមើលងាយខ្មែរកាន់តែខ្លាំង។
លើសពីនេះ ស្របពេលថ្មីៗកន្លងទៅ លោក អ៊ឹម ជីវ៉ា ទទួលបានដំណឹងលេចឮទាក់ទងនឹងវិស័យបវរកញ្ញាកម្ពុជា ថាមានអ្នកទិញសិទ្ធិកម្មវិធី MGC មកធ្វើក្នុងឆ្នាំ ២០២៥ ទៀត ដែលលោកកំពុងរងចាំមើលមុខអ្នកទិញសិទ្ធិកម្មវិធីនេះ ដោយឃើញពេលណាលោកអះអាងថានឹងចាត់ការចំពោះបុគ្គលរូបនោះមុនគេតាមរយៈការប្ដឹងទៅក្រសួងវប្បធម៌ និង ក្រសួងពាក់ព័ន្ធ ដោយមិនឱ្យមានកម្មវិធីនេះនៅលើទឹកដីកម្ពុជាជាដាច់ខាត។
សារនោះ លោក អ៊ឹម ជីវ៉ា បានបង្ហោះរៀបរាប់ថា ៖ «ចាំហែងមកធ្វើកម្មវិធីនៅស្រុកខ្មែរ អញសំពងក្បាលហែងមុនគេម្តង អាណាវ៉ាត់ ហើយចាំមើល អាណាមីណាស្រឡាញ់ យកកម្មវិធី Miss Grand មកប្រកួតនៅស្រុកខ្មែរ អញក៏សំពងក្បាលពួកអានឹងមីនឹងដែរ! កម្មវិធី Miss គគោកមិនយក ស្រឡាញ់ណាស់អាកម្មវិធីថៃមើលងាយខ្មែរហ្នឹង។ ចាំស៊ើបមើលសិន អាខួរឆ្កែមីខួរឆ្កែណាទិញកម្មវិធី ឮសូរថាមានទិញហើយ តែរកមុខពួកឆ្កែអ្នកទិញមិនទាន់ឃើញ។ បើមានកម្មវិធីហ្នឹងមែន ខ្ញុំនឹងធ្វើការប្តឹងទៅក្រសួងវប្បធម៌មុនគេ បន្ទាប់មកទៀតគឺប្តឹងទៅក្រសួងពាក់ព័ន្ធ មិនឱ្យមានកម្មវិធី Miss grand កើតនៅស្រុកខ្មែរទៀតទេ»៕
