ក្នុងកម្មវិធីបំពាក់ឈៀងនៃការប្រកួត Miss Supranational Cambodia 2025 នៅថ្ងៃទី ២ ខែកុម្ភៈ ឆ្នាំ ២០២៥ ឃើញថាបេក្ខភាពផ្លូវការទាំង ១៦ រូប បានដើរបង្ហាញសមត្ថភាពក្នុងឈុតបំពាក់ឈៀង និង ឈុតរាត្រីសមោរសស្រស់ៗស្អាតលេចធ្លោ ព្រមទាំងបាននិយាយបង្ហាញឆន្ទៈល្អៗរៀងៗខ្លួន។
ក្រឡេកទៅមើលកញ្ញា អាណា រ៉ូស វិញ ក៏ជាបេក្ខភាពមួយរូបតែងទទួលបានការចាប់អារម្មណ៍សរសើរពីមហាជនចំពោះការតាំងចិត្តរបស់នាងក្នុងការប្រកួត Miss Supranational Cambodia នេះ ជាពិសេសក្នុងវគ្គបំពាក់ឈៀង អាណា រ៉ូស កាន់តែបង្ហាញភាពជឿជាក់មោះមុតខ្លាំង ទាំងការដើរបង្ហាញសមត្ថភាព និង ឡើងនិយាយពីឆន្ទៈរបស់ខ្លួន។
ក្នុងនោះ អ្វីដែលធ្វើឱ្យអ្នកគាំទ្រជាច្រើនសរសើរពេញចិត្ត ខណៈ អាណា រ៉ូស និយាយបង្ហាញឆន្ទៈរបស់ខ្លួនប៉ុន្មានម៉ាត់ក្នុងការចូលរួមប្រកួតកម្មវិធីនេះ គឺដើម្បីលុបបំបាត់រាល់ពាក្យ Bully និង បង្ហាញពីភាពរឹងមាំរបស់នាងក្នុងនាមជាស្រ្តីម្នាក់ដែលអាចធ្វើអ្វីដែលនាងចង់ធ្វើ៕
សូមចុចទីនេះដើម្បីទស្សនាវីដេអូ៖
