កាលពីរាត្រីថ្ងៃទី ០៥ ខែ មករា នេះ កម្មវិធី Golden Globes លើកទី ៨២ សម្រាប់ឆ្នាំ ២០២៥ បានធ្វើឡើងយ៉ាងគគ្រឹកគគ្រេងនៅទីក្រុង Los Angeles រដ្ឋកាលីហ័្វរញ៉ា។ ពិធីប្រគល់ពានរង្វាន់តារានេះ ត្រូវបានរៀបចំឡើងដោយ តារាកំប្លែង Nikki Glaser ដើម្បីជាការអបអរនូវគម្រោងខ្សែភាពយន្ត និង ភាពយន្តទូរទស្សន៍ ដែលគួរឱ្យចាប់អារម្មណ៍បំផុតប្រចាំឆ្នាំ។ ភាពយន្តដែលត្រូវបានយកមកបោះឆ្នោតក្នុងឆ្នាំនេះរួមមានរឿងដូចជា៖ Emilia Pérez, Anora, The Substance, Challengers, Babygirl, Wicked និង មួយចំនួនទៀត The Diplomat, Shogun, The Bear, Hacks។
កាន់តែភ្ញាក់ផ្អើលថែមទៀត នៅក្នុងព្រឹត្តិការណ៍នេះ គេបានចាប់អារម្មណ៍ខ្លាំងទៅលើការបង្ហាញខ្លួនពីតារាភាពយន្តល្បីៗ ជាពិសេស តារាហូលីវូដលំដាប់កំពូលដូចជា៖ Angelina Jolie, Kate Winslet, Cynthia Erivo, Zendaya, Pamela Anderson, Demi Moore និង Nicole Kidman រួមទាំងតារាជាច្រើនរូបទៀត។ នៅលើកម្រាលព្រំក្រហម ម្នាក់ៗធ្វើខ្លួនមិនឱ្យចាញ់គ្នាឡើយ ឈុតសមោសមើលមកសុទ្ធតែភ្លឺរលោង និង ភ្លឺផ្លេក ទាក់ទាញភ្នែកយ៉ាងខ្លាំង។ អ្វីដែលសំខាន់ មិត្តៗនារីក៏អាចច្បិចស្ទាយ៌ពីឈុតទាំងនេះ ទុកសម្រាប់ការលេងខ្លួនចូលរួមកម្មវិធីផងដែរ។ ចង់ដឹងថាការលេងខ្លួនរបស់ពួកគេឡូយប៉ុនណា សូមទស្សនាដូចខាងក្រោម៖
ប្រភព៖ VOGUE
