បើរំឭកកាលពីរយៈពេលជាង ១០ ឆ្នាំមុន មហាជននិយមទស្សនាកម្មវិធីកម្សាន្ត ដែលមានការដឹកនាំដោយឯកឧត្តម ហ្វៃ សំអាង ក្នុងស្ថានីយទូរទស្សន៍ប៉ុស្តិ៍អប្សរា ច្បាស់ជាស្គាល់ពិធីការិនីដ៏ស្រស់សោភាក្នុងកម្មវិធី «តារាក្នុងដួងតារា» និង កម្មវិធីជាច្រើនទៀត គឺអ្នកនាង ដួង ម៉ាណា ជាក់ជាមិនខាន។
កាលអំឡុងឆ្នាំ ២០១៤-២០១៧ អ្នកនាង ដួង ម៉ាណា គឺជាពិធិការិនីល្បីឈ្មោះមួយរូប ដែលមានទេពកោសល្យសិល្បៈយ៉ាងជំនាញ ដោយពេលនោះ អ្នកនាង ក៏បានក្តោបឱកាសចូលរួមសម្តែងភាពយន្តទៀតផង។
យ៉ាងណាមិញ ក្រោយរៀបការអំឡុងឆ្នាំ ២០១៧ និង ទទួលបានចំណងដៃកូនដំបូងនៅឆ្នាំ ២០១៨ អ្នកនាង ដួង ម៉ាណា ក៏ហាក់រយាលលើវិថីសិល្បៈ ដោយអ្នកនាងមមាញឹកនឹងក្នុងការរកស៊ីវិញ រហូតមកដល់បច្ចុប្បន្នផងដែរ។
ក្នុងនោះដែរ របររកស៊ីរបស់អតីតពិធីការិនី ដួង ម៉ាណា ក៏ត្រូវបានមហាជនចាប់អារម្មណ៍ដែរ ដោយអាជីវកម្មរបស់អ្នកនាង គឺគ្រឿងសង្ហារឹម ដែលធ្វើពីផ្តៅមានយីហោ «ម៉ាណា សង្ហារឹមផ្តៅ»៕
