ថ្មីៗនេះ មានមេធាវីមួយរូបនៅប្រទេសថៃ បានទម្លាយពីករណីដ៏គួរឱ្យហួសចិត្តមួយ ដែលប្រពន្ធបានលួចលាក់ប្តីទៅមានសហាយជាមួយនឹង Tomboy ចុងក្រោយប្តីយក Tomboy នោះធ្វើជាប្រពន្ធចុង ទុកប្រពន្ធដើមចោល។
មេធាវីរូបនេះបានរៀបរាប់ឱ្យដឹងថា ប្តីប្រពន្ធមួយគូនេះបាននៅជាមួយគ្នាដោយគ្មានអេតាស៊ីវិលឡើយ ហើយក្រោយមកប្រពន្ធក៏បានលួចលាក់ប្តីទៅទាក់ទងនឹង Tomboy មួយរូប។ មិនយូរប៉ុន្មានប្តីក៏ចាប់បាន ប៉ុន្តែប្តីបែរជាទៅមានលួចទំនាក់ទំនងជាមួយនឹង Tomboy នោះវិញ ហើយក៏បានទៅនៅជាមួយគ្នា ដែលធ្វើឱ្យនាងប្រពន្ធដើមមិនសុខចិត្តជាខ្លាំង។
យ៉ាងណាមិញ ស្រ្តីជាប្រពន្ធបានទៅប្រឹក្សាជាមួយនឹងមេធាវីរកនឹងប្តឹងក្នុងករណីនេះ តែនាងមិនអាចប្តឹងបាននោះទេ ព្រោះនាងមិនបានចុះអេតាស៊ីវិលជាមួយប្តីឡើយ។ ដោយឡែករឿងរ៉ាវមួយនេះ ត្រូវបានគេចែកចាយពេញបណ្តាញសង្គម ដោយម្នាក់ៗហួសចិត្តយ៉ាងខ្លាំង មិននឹកស្មានថារឿងបែបនេះអាចនឹងកើតឡើង តែក៏មានអ្នកខ្លះអាណិតដល់ស្រ្តីជាប្រពន្ធដើមផងដែរ៕
ប្រភព៖ Khaosod
