ជាការពិតណាស់ មួយរយៈក្រោយនេះ បន្ទាប់ពីបានក្លាយទៅជាតារាចម្រៀងរួមទ្រនំ និង បានចេញចម្រៀងនឹងគ្នាក្នុងផលិតកម្មបារមីហើយនោះ កំលោះសង្ហា យូហៃ និង ស្រីស្អាត រ៉េត ស៊ូហ្សាណា ត្រូវបានអ្នកគាំទ្រជាច្រើនបានចាប់ផ្គូរផ្គងអ្នកទាំង ២ ដោយពាក្យ Trending ហៅថា Ship នោះដែរ។
ក្នុងនោះដែរ ក្រោយចាប់ផ្តើមរួមការងារនឹងគ្នា ទន្ទឹមនឹងការ ship ពីអ្នកគាំទ្រហើយនោះ គេក៏បានសង្កេតឃើញថា ពីមួយថ្ងៃទៅមួយថ្ងៃ លោក យូហៃ និង កញ្ញា រ៉េត ស៊ូហ្សាណា កាន់តែបង្ហាញភាពស្និទ្ធស្នាលគ្នាខ្លាំង រហូតធ្វើឱ្យអ្នកលួច ship លើកឡើងថា តារាចម្រៀងប្រុសស្រីវ័យក្មេងមួយគូនេះ អាចនឹងមានទំនាក់ទំនងលើសពីមិត្តក៏ថាបាន។
ជាក់ស្តែង ថ្មីៗនេះ ក្នុងការសម្តែងកម្មវិធីប្រគំតន្ត្រីនៅឯសហរដ្ឋអាមេរិកនៅថ្ងៃដំបូង អ្នកគាំទ្របានចាប់អារម្មណ៍នឹងឈុតសម្លៀកបំពាក់របស់ លោក យូហៃ និង កញ្ញា រ៉េត ស៊ូហ្សាណា ដែលមានពណ៌ស្រដៀងគ្នាមើលទៅដូចជាឈុតគូ។
លើសពីនោះ មានវីដេអូជាច្រើនបានបង្ហាញនូវសកម្មភាពស្និទ្ធស្នាលរបស់អ្នកទាំង ២ ជាពិសេសនោះ គឺវីដេអូ ដែលលោក យូហៃ និយាយលួង និង សម្លឹងមើល កញ្ញា រ៉េត ស៊ូហ្សាណា អំឡុងពេលនាងរំភើបចិត្តនិយាយទៅកាន់ទស្សនិកជនទាំងអួលដើមកនោះ៕
សូមចុចទីនេះ ដើម្បីទស្សនាវីដេអូទី ១៖
