បើគិតត្រឹមថ្ងៃទី ២៧ ខែកក្កដា ឆ្នាំ ២០២៥ កន្លងទៅនេះ តាមរយៈលោកជំទាវឧត្តមសេនីយ៍ឯក ម៉ាលី សុជាតា អនុរដ្ឋលេខាធិកា និង អ្នកនាំពាក្យក្រសួងការពារជាតិកម្ពុជាបានឱ្យដឹងពីចំនួននៃប្រជាពលរដ្ឋ ដែលបានជម្លៀសខ្លួនរកទីសុវត្ថិភាពដោយសារចោរសៀមឈ្លានពាន កាន់តែមានចំនួនកើនឡើង។
ក្នុងនោះដែរ អនុរដ្ឋលេខាធិកា និង អ្នកនាំពាក្យក្រសួងការពារជាតិកម្ពុជាបានឱ្យដឹងថា ៖ ការឈ្លានពានរបស់ថៃ លើដែនបូរណភាពទឹកដីកម្ពុជា បានបណ្ដាលឱ្យមានពលរដ្ឋភៀសសឹកនៅខេត្តចំនួន ៤ ខេត្ត មានចំនួនសរុប ៣៩ ៨២៨ គ្រួសារស្មើនឹង ១៣៤ ៧០៧ នាក់, សាលារៀនចំនួន ៦០០ នៅតាមតំបន់ព្រំដែនត្រូវបិទទ្វារ បណ្ដាលឱ្យសិស្សានុសិស្ស ត្រូវខកខានមិនបានសិក្សារៀនសូត្រ។
ទិដ្ឋភាពនោះដែរ បានធ្វើឱ្យប្រជាជនកម្ពុជាបង្ហាញអារម្មណ៍ក្តុកក្តួលយ៉ាងខ្លាំង ខណៈមានទាំងកុមារ ចាស់ជរា ស្ត្រីពពោះ ស្ត្រីទើបតែសម្រាលកូនរួចផងនោះបាន និង កំពុងចាកឆ្ងាយពីទីលំនៅ ក៏ព្រោះតែការឈ្លានពានរបស់ចោរសៀមមកកាន់កម្ពុជា៕
ប្រភព៖ ក្រសួងការពារជាតិ
រូបភាព៖ ទូរទស្សន៍ជាតិកម្ពុជា ទទក
