មហាជននៅតាមបណ្តាញសង្គមថៃ កំពុងតែផ្ទុះការភ្ញាក់ផ្អើលជាខ្លាំងទៅលើតារាស្រីហាយសូរ Due Arisara ដែលមុននេះទើបធ្លាយរឿងនាងជំពាក់បំណុលគេរាប់លានដុល្លារ ហើយឥលូវក៏ធ្លាយថានាងបានចែកផ្លូវគ្នាជាមួយនឹងស្វាមីទៀត។
ក្នុងនោះដែរ ខណៈ Due កំពុងតែជាប់ពាក់ព័ន្ធក្នុងរឿងយកវត្ថុមានតម្លៃរបស់ស្រ្តីហាយសូរម្នាក់ទៅបញ្ចាំ និង មានការជាប់បំណុលអ្នកផ្សេងៗជាច្រើនទៀត មានមហាជនមួយចំនួនបានឆ្ងល់ថាហេតុអ្វីមិនឃើញស្វាមីហាយសូររបស់នាងចេញមុខមកជួយដោះស្រាយសោះ។ ទាក់ទងនឹងរឿងនេះ Due Arisara បានឱ្យដឹងនៅក្នុងកម្មវីធី Hone Krasae ថាប្តីរបស់នាងមិនពាក់ព័ន្ធនឹងរឿងនេះនោះទេ គេមានគ្រួសាររបស់គេ នាងសុខចិត្តដោះស្រាយរឿងនេះដោយខ្លួន អ្វីដែលនាងសុំពីប្តីនោះ គឺចង់ឱ្យគេស្រឡាញ់ និង មើលថែកូនឱ្យបានល្អ។
យ៉ាងណាមិញ កាលដែលនាងនិយាយបែបនេះ បានធ្វើឱ្យមហាជនមួយចំនួនសង្ស័យថានាងបានចែកផ្លូវគ្នាជាមួយនឹងស្វាមីហើយ ជាពិសេសទៅទៀតនោះ គេបានឃើញថាខាងប្រុសបានលុបរូបភាពគ្រប់យ៉ាងអស់ពីគណនី IG របស់ខ្លួនទៅហើយ៕
ប្រភព៖ Kapook
