កាលពីយប់រំលងអធ្រាត្រវេលាម៉ោង ១២ យប់ ឈានចូលថ្ងៃទី ១៣ ខែមិថុនា ឆ្នាំ ២០២៥ នេះ ក្រសួងព័ត៌មាន បានធ្វើសេចក្តីជូនដំណឹងទាំងយប់ទៅកាន់បណ្តាស្ថានីយទូរទស្សន៍ទាំងអស់នៅកម្ពុជា ឱ្យបញ្ឈប់ការចាក់ផ្សាយភាពយន្តថៃគ្រប់ប្រភេទ។
ក្នុងនោះ សេចក្តីជូនដំណឹងដែលបានប្រកាសឡើងទាំងយប់ ក្រសួងព័ត៌មាន បានជម្រាបជូនថា៖ «សេចក្តីជូនដំណឹង ក្រសួងព័ត៌មានមានកិត្តិយស សូមជម្រាបជូនដំណឹងដល់ លោកអ្នកឧកញ៉ា អ្នកឧកញ៉ា ឧកញ៉ា លោកជំទាវ លោក លោកស្រី ដែលជាម្ចាស់ស្ថានីយទូរទស្សន៍ទាំងអស់មេត្តាជ្រាបថា ចាប់ពីម៉ោង ១២ យប់ ថ្ងៃទី១២ ខែមិថុនា ឆ្នាំ ២០២៥ នេះតទៅ សូមស្ថានីយទូរទស្សន៍ទាំងអស់នៅកម្ពុជា បញ្ឈប់ការចាក់ផ្សាយខ្សែភាពយន្តថៃគ្រប់ប្រភេទនៅលើកញ្ចក់ទូរទស្សន៍របស់ខ្លួន។ អាស្រ័យដូចបានជម្រាបជូនខាងលើ សូមលោកអ្នកឧកញ៉ា អ្នកឧកញ៉ា ឧកញា លោកជំទាវ លោក លោកស្រី ដែលជាម្ចាស់ស្ថានីយទូរទស្សន៍ទាំងអស់ចូលរួមអនុវត្តដោយស្មារតីទទួលខុសត្រូវខ្ពស់»។
សូមអាចសេចក្តីជូនដំណឹងខាងក្រោម៖
