នៅព្រឹកព្រលឹមថ្ងៃទី ២១ ខែវិច្ឆិកា ឆ្នាំ ២០២៥ នេះ កម្មវិធីការប្រកួតវគ្គផ្តាច់ព្រ័ត Miss Universe លើកទី ៧៤ បាន និង កំពុងដំណើរការចាប់ផ្តើមហើយ ដែលថ្ងៃនេះកម្មវិធីបវរកញ្ញាលំដាប់ពិភពលោកខាងលើ នឹងស្វែងរកឃើញម្ចាស់មកុដឆ្នាំ ២០២៥ ហើយ។
ក្នុងនោះដែរ គេបានឃើញអ្នកស្នេហាវិស័យបវរកញ្ញា កំពុងតែអន្ទះសាររង់ចាំទស្សនាថា តើបវរកញ្ញាចក្រវាលមកពីប្រទេសមួយណា ដែលនឹងគ្រងមកុដក្នុងថ្ងៃនេះ។ ម្យ៉ាងវិញទៀត មកដល់វេលាម៉ោង ៨ និង ៤០ នាទីព្រឹក កម្មវិធីក៏បានស្វែងរកឃើញ Top 30 រួចហើយដែរ។
ដោយឡែកងាកកមកកាន់បវរកញ្ញាកម្ពុជា ហ្វីយ៉ាតា នារីសុជាតា ឯណោះវិញ ពិតជាគួរឱ្យសោកស្តាយ ដែលមិនអាចឈានចូល Top 30 បាននៅក្នុងការប្រកួតនេះ ប៉ុន្តែ Miss Universe Cambodia 2025 រូបនេះ បានធ្វើឱ្យប្រជាជនកម្ពុជាមានមោទកភាពសម្រាប់នាងយ៉ាងខ្លាំង ក្នុងការប្រឹងប្រែង និង ក្លាហានក្នុងការតំណាងឱ្យកម្ពុជានៅលើទឹកដីប្រទេសថៃនាឆ្នាំ ២០២៥ នេះ៕
