កាលពីថ្ងៃទី ១៦ ខែកក្កដា ឆ្នាំ ២០២៥ កន្លងទៅនេះ មានករណីទាហានថៃចំនួន ៣ នាក់បានដើរជាន់មីន ខណៈកំពុងល្បាតនៅតំបន់មុំបី ដែលបណ្តាលឱ្យមានអ្នករបួសដាច់ជើងម្នាក់ និង ២ នាក់ទៀតរងរបួសស្រាល។
ក្នុងនោះដែរ ដំបូងឡើយខាងថៃបានឱ្យដឹងថា មីនដែលបង្កគ្រោះថ្នាក់នេះ គឺជាមីនសល់តាំងពីសម័យសង្រ្គាម តែថ្មីៗនេះ ខាងអង្គភាពប្រឆាំងគ្រាបមីនរបស់ថៃ បានទម្លាយឱ្យដឹងថា មីនដែលផ្ទុះនៅមុំបីនោះ គឺជាប្រភេទមីនថ្មី PMN2 ជាមីនប្រហារមនុស្ស ដែលមានទម្ងន់សង្កត់ ១១១១ ផោន និង ផលិតដោយប្រទេសរុស្ស៊ី ជាមីនដែលពិបាកត្រួតសញ្ញាចាប់រកឃើញណាស់។
ដោយឡែក ក្រោយពីព័ត៌មានចេញមកដូច្នេះ ខាងប្រជាជនថៃជាច្រើនបាននាំគ្នាព្រួតចោទថា ខាងកម្ពុជាជាអ្នកដាក់មីននោះ ហើយម្នាក់ៗក៏កំពុងតែញុះញង់ឱ្យមានការបាញ់បោះ ព្រោះគិតថាកម្ពុជាកាន់តែគំរាមកំហែងប្រទេសរបស់ខ្លួន៕
ប្រភព៖ Khaosod
