មហាជននិយមតាមដាន ពីទំនាក់ទំនងរវាងតារាចម្រៀងស្រី សុគន្ធ និសា និង ពិធីការិនី ណាក់ ស្រីណា ច្បាស់ជាបានជ្រាបមកហើយថា សិល្បការិនីទាំង ២ មិនត្រឹមតែជាមិត្តក្នុងអាជីពសិល្បៈជាមួយគ្នាតែម្យ៉ាងនោះទេ តែអ្នកនាង សុគន្ធ និសា និង កញ្ញា ណាក់ ស្រីណា បានស្រឡាញ់រាប់អានគ្នាប្រៀបបីដូចជាបងប្អូនបង្កើតយ៉ាងដូច្នោះ។
ក្នុងនោះដែរ មហាជនតែងតែឃើញ អ្នកនាង សុគន្ធ និសា និង កញ្ញា ណាក់ ស្រីណា ទៅណាមកណាត្រសងគ្នា មិនថាតែបំពេញការងារ ឬក៏សកម្មភាពឯកជននោះឡើយ ពោលគឺម្នាក់ៗមើលថែ យកចិត្តទុក្ខដាក់គ្នាយ៉ាងខ្លាំង។
ដោយឡែក មុនថ្ងៃខួបកំណើតរបស់អ្នកនាង សុគន្ធ និសា គេបានឃើញកញ្ញា ណាក់ ស្រីណា បាន Surprise នំខេកឱ្យនាងម្តងរួចមកហើយ តែកាលពីថ្ងៃទី ០១ ខែឧសភា ឆ្នាំ ២០២៥ កន្លងទៅ ពោលគឺចំថ្ងៃខួបកំណើតរបស់អ្នកនាង សុគន្ធ និសា តែម្តង ស្រាប់តែកញ្ញា ណាក់ ស្រីណា បានទិញកាដូយ៉ាងពិសេសជូនដល់បងស្រីជាទីស្រឡាញ់ម្តងទៀត។
ដោយសេចក្ដីក្តីស្រឡាញ់ ការរាប់អានចេញពីចិត្ត និង បង្ហាញការគោរពផងនោះ កញ្ញា ណាក់ ស្រីណា បានចំណាយលុយជាច្រើនទិញនូវឈុតគ្រឿងអលង្ការ មានទាំងខ្សែក កងដៃ ចិញ្ចៀន និង ក្រវិល ជូនដល់អ្នកនាង សុគន្ធ និសា យ៉ាងពិសេសក្នុងឆ្នាំនេះ៕
