បើគិតត្រឹមថ្ងៃទី ១៥ ខែសីហា ឆ្នាំ ២០២៥ នេះ គឺរយៈពេល ១៧ ថ្ងៃ ហើយ ដែលកងកម្លាំងកម្ពុជាត្រូវបានទាហានថៃចាប់ខ្លួនដោយខុសច្បាប់ មិនទាន់ដោះលែងឱ្យត្រលប់មកមាតុភូមិវិញ ក្រោយបទឈប់បាញ់ចូលជាធរមានភ្លាមៗកាលពីព្រឹកថ្ងៃទី ២៩ ខែកក្កដា ឆ្នាំ ២០២៥។
ក្នុងនោះដែរ ប្រជាជនកម្ពុជាទាំងក្នុង និង ក្រៅប្រទេស បាន និង កំពុងបន្តការបញ្ចេញសំឡេងទាមទារឱ្យមានការដោះលែងទាហានខ្មែរទាំង ១៨ នាក់ តាមរយៈរូបភាពនានា មិនថាតែជាសារ ឬ ជាវីដេអូនោះឡើយ។
ជាក់ស្តែង ក្រឡេកទៅមើលវិស័យសិល្បៈក៏ដូចគ្នាដែរ មានសិល្បករ សិល្បការិនីជាច្រើន បានបង្ហាញពីភាពឈឺចាប់ និង យុត្តិធម៌ឱ្យកម្ពុជាតាមរយៈចម្រៀងរបស់ពួកគេ ដោយក្នុងនោះ ក៏មានលោក DyLux ដែលជាតារាចម្រៀងរ៉េបរបស់ផលិតកម្ម +855 ដែរ។
កាលពីថ្ងៃទី ១៣ ខែសីហា ឆ្នាំ ២០២៥ កន្លងទៅ លោក DyLux បានបញ្ចេញបទចម្រៀងមានចំណងជើងថា «ឈាមខ្មែរ» ដែលរៀបរាប់ពីកម្លាំងទាហានកម្ពុជាកំពុងឈរជើងនៅបន្ទាត់ព្រំដែន។ លើសពីនោះ អ្វីកាន់តែឈឺចាប់ គឺសាររបស់លោក DyLux បានរំឭកដល់ទាហានខ្មែរទាំង ១៨ នាក់ ដែលត្រូវបានទាហានថៃចាប់ខ្លួនមកដល់ពេលនេះ មិនដឹងពេលណាបានវិលចូលមាតុប្រទេសវិញនោះឡើយ៕
សូមចុចទីនេះ ដើម្បីទស្សនាវីដេអូ៖
