ថ្មីៗនេះ បវរកញ្ញាវ័យក្មេង ជូរី ល្អហួស Miss Preteen Cambodia 2023 និង ជាម្ចាស់មកុដអន្តរជាតិ Miss Preteen Junior Idol World 2024 បានធ្វើឱ្យមហាជនអ្នកគាំទ្រកាន់តែចាប់អារម្មណ៍ស្ងប់ស្ងែងខ្លាំង ក្រោយពីបង្ហាញសកម្មភាពគួរឱ្យសរសើរលើទឹកដីប្រទេសចិន។
ក្នុងនោះ ជូរី ល្អហួស បានបង្ហាញវីដេអូសកម្មភាពនៃការតុបតែងខ្លួនគ្រងឈុតអប្សរារាំរបាំនៅមុខផ្ទាំងទឹកកកនៅឯទីក្រុង Harbin ប្រទេសចិន ដែលមានអាកាសធាតុកំពុងចុះត្រជាក់ខ្លាំងស្ថិតនៅសីតុណ្ហភាព – ១៦ អង្សារ។
សកម្មភាពរបស់ ជូរី ល្អហួស នេះដែរ កំពុងត្រូវបានមហាជនអ្នកលេងបណ្ដាញសង្គមផ្ទុះការចែករំលែកភ្ជាប់ជាមួយក្ដីរំភើបចិត្ត និង មោទកភាពខ្លាំងចំពោះបវរកញ្ញាវ័យក្មេងរូបនេះ ដែលតែងជួយលើកស្ទួយផ្សព្វផ្សាយវប្បធម៌ខ្មែរទៅកាន់ពិភពលោក។
ជាមួយគ្នានោះ បើតាមរយៈការបង្ហោះរបស់អ្នកគ្រប់គ្រងស្ថាប័នបវរកញ្ញាវ័យក្មេងលោក អ៊ិន វិចិត្រ បានឱ្យដឹងថា សកម្មភាពរបស់ ជូរី ល្អហួស ធ្វើដំណើរទៅប្រទេសចិន និង បានរាំរវបាំអប្សរាមុខផ្ទាំងទឹកកកនោះ គឺជាការអញ្ជេញពីរដ្ឋបាលខេត្ត Harbin ប្រទេសចិន ដើម្បីចូលរួមបង្ហាញវប្បធម៌កម្ពុជា និង កម្មវិធីប្រគុំតន្រ្តីក្នុងកម្មវិធី Harbin International Ice and Snow Festival លើទឹកដីប្រទេសចិននេះផងដែរ៕
សូមទស្សនាវីដេអូខាងក្រោម៖
