ជាសហគ្រិនឆ្នើមក្នុងវិស័យបច្ចេកវិទ្យា លោក ឡី កំថូង ត្រូវបានគេស្គាល់ជា ស្ថាបនិក CheckinMe Cambodia ជាក្រុមហ៊ុនបង្កើតបច្ចេកវិទ្យាថ្មី នៃការស្រង់វត្តមានតាម QR កូដដំបូងគេបង្អស់នៅកម្ពុជា។ ទន្ទឹមនឹងបទពិសោធធ្វើជំនួញ និង ការប្រលូកក្នុងសង្គម ជារឿយៗ លោកតែងចែករំលែកគន្លឹះ ក៏ដូចជាចំណេះដឹងមានប្រយោជន៍ផងដែរ។ ជាក់ស្តែង ដូចថ្មីៗនេះ លោកបានចែករំលែកអំពីប្រធានបទមួយគឺ «កុំរាប់អាន មនុស្ស ៤ ប្រភេទនេះ»។ លោកបានសរសេររៀបរាប់ដូចខាងក្រោម៖
១-មនុស្សគម្រិះជ្រុល៖ ការទុកដាក់សន្សំសំចៃ គឺជារឿងដែលមនុស្សយើងម្នាក់ៗគួរតែធ្វើ ប៉ុន្តែសម្រាប់មនុស្សខ្លះ រិះថាំជ្រុល គម្រិះមិនចេះចែករំលែក មិនចេះក្រែងចិត្តអ្នកដទៃ សូម្បីតែការចំណាយលើខ្លួនគេផ្ទាល់ ក៏បេះមិនដាច់ផង។
២-មនុស្សស្គាល់តែប្រយោជន៍៖ មនុស្សបែបនេះសម្លឹងឃើញផលប្រយោជន៍ធំជាងមិត្តភាព ពួកគេរាប់អានអ្នកដទៃដើម្បីតែជាធ្នាក់ ទាក់យករបស់ដែលគេចង់បានតែប៉ុណ្ណោះ ពេលអ្នកដទៃអស់ប្រយោជន៍ភ្លាមគេនឹងឈប់រាប់រក។
៣-មនុស្សដែលចូលចិត្តនិយាយបំផ្លើស៖ មនុស្សប្រភេទនេះគួរឱ្យខ្លាច គេអាចនិយាយនូវអ្វីបានតាមតែអំពើចិត្ត ដែលអាចធ្វើឱ្យអ្នកដទៃខូចឈ្មោះ ផ្លូវចិត្តរង្គោះរង្គើដោយសារតែសម្ដីពួកគេផងដែរ។
៤-មនុស្សឆ្លាតពេក៖ ពាក្យថា ឆ្លាតពេក ត្រង់នេះគេសំដៅទៅលើមនុស្សដែលគាត់ពូកែខាងល្បិច ធ្វើអ្វីខ្លាចតែគេលើស ខ្លាចគេល្អជាង! រស់នៅជាមួយមនុស្សបែបនេះអ្នកប្រុងខ្លួនឱ្យគេខ្សែលើឱ្យហើយទៅ ព្រោះមនុស្សប្រភេទនេះមិនដែលនៅក្រោមគេទេ៕
ប្រភព៖ FB
