ថ្មីៗនេះ អ្នកលេងបណ្តាញសង្គមហ្វេសប៊ុកច្បាស់ជាច្រើនបានជ្រាបមកហើយ នូវប្រតិកម្ម និង ការឆ្លើយតបរបស់សិល្បករ សិល្បការិនីទៅកាន់បុគ្គលមួយចំនួនតូច ដែលបានលើកឡើងថា តារាស្រុកខ្មែរ មិនអើពើរឿងជាតិ ខណៈតារាថៃចេញមកតតាំង។
យ៉ាងណាមិញ ក្នុងនោះ គេបានឃើញសិល្បករ សិល្បការិនីជាច្រើន បានលើកយកនូវចំណុចស្រដៀងៗគ្នាមកឆ្លើយតប ដោយភាគច្រើន គឺការជ្រើសរើសក្នុងការស្ងៀមស្ងាត់ប្រកបដោយក្រមសីលធម៌ មិនជេរប្រទេចក្នុងនាមជាសិល្បករខ្មែរ ជនជាតិខ្មែរថ្លៃថ្នូរ និង គាំទ្ររដ្ឋាភិបាល ព្រមទាំងលើកទឹកចិត្តដល់កងកម្លាំងកំពុងឈរជើងនៅបន្ទាត់ព្រំដែន។
ងាកមកកាន់តារាចម្រៀង Nikki Nikki ក៏ដូចគ្នាដែរ កាលពីថ្ងៃទី ២៦ ខែមិថុនា ឆ្នាំ ២០២៥ កន្លងទៅ ក៏បានចេញមកបង្ហោះសារលើកយកនូវចំណុចជាច្រើនមកបញ្ជាក់ពីមូលហេតុ នៅការស្ងៀមស្ងាត់របស់សិល្បករខ្មែរ។
លើសពីនោះ លើ caption កញ្ញា Nikki Nikki ក៏បានបញ្ជាក់ថា៖ «បញ្ជាក់៖ វីដេអូនេះ ខ្ញុំសំដៅលើបងប្អូនមួយចំនួន ដែលរំអុកតារាខ្មែរយើងឱ្យចេញទៅតបត ឬប្រតិកម្មនឹងចំហាយពីអ្នកជិតខាង រឿងនយោបាយ និង អ្វីផ្សេងៗទៀតឱ្យតែថាក្ដៅគគុក។ អ្នកសិល្បៈបានបង្ហាញ និងបន្តបង្ហាញឆន្ទៈស្នេហាជាតិរាប់មិនអស់ទេ ក្រែងឃើញរហូតតើហ្អី តាមរយៈកម្មវិធី ចម្រៀង ការស្លៀកពាក់ ការផ្សព្វផ្សាយ ទាំងពេលដែលមានរឿង ឬគ្មានរឿង តែតាមបែបផែនរបស់គេ។ អ្នកស្នេហាជាតិ ក៏មានអ្នកមិនសូវចេះរាយរាប់ច្រើន អ្នកធ្វើក្រៅបណ្ដាញសង្គម និង អ្នកដែលតាមមិនសូវទាន់គេដែរ។ ពេលសំឡេងអ្នកឈ្លោះគ្នាឮខ្លាំងពេកទៅ វាហាក់ដូចជាមកលុបសកម្មភាពពីមុន និង បច្ចុប្បន្នពួកខ្ញុំអស់។ ខឹងគេ កុំមកចោទ ឬវាយប្រហារគ្នាឯងអី!»៕
សូមចុចទីនេះ ដើម្បីទស្សនាវីដេអូ៖
