មហាជននិយមតាមដានពីតារាចម្រៀងរ៉េបជំនាន់ថ្មី លោក OG Golden ច្បាស់ជាធ្លាប់បានដឹងមកហើយពីទំនាក់ទំនងស្នេហារវាងលោក និង តារាសម្តែងស្រីវ័យក្មេង កញ្ញា ជូលី តែមកដល់ពេលនេះ តារាប្រុសស្រីមួយគូនេះ ក៏បានបែកបាក់គ្នាដោយស្ងប់ស្ងាត់ហើយដែរ។
យ៉ាងណាមិញ ស្រាប់តែនៅរសៀលថ្ងៃទី ០១ ខែតុលា ឆ្នាំ ២០២៥ នេះ លោក OG Golden បានបង្ហោះវីដេអូមួយប្រមាណជាង ៤ នាទី ឆ្លើយតបនូវការបញ្ចេញមតិមួយចំនួនរបស់មហាជន ក្រោយលោកបានបង្ហោះ Teaser ចម្រៀងថ្មីមានចំណងជើងថា «ស្រវឹង» បន្ទាប់ពីមានអ្នកលើកឡើងថា អត្ថន័យចម្រៀងនោះ លោកបានថាឱ្យសង្សារចាស់។
ក្នុងនោះ លោក OG Golden បានឱ្យដឹងថា ចម្រៀងនោះ លោកបានធ្វើឡើងតាំងពីខែ ៥ មកម្ល៉េះ ពោលតាំងពីពេលវេលាលោក និង កញ្ញា ជូលី មិនទាន់បែកបាក់នឹងគ្នា ហើយពេលនេះ លោកទើបមានពេលយកចម្រៀងនេះមកធ្វើបន្ត។ ម្យ៉ាងវិញទៀតនោះ លោកបានបន្ថែមថា បទចម្រៀងនោះ គឺលោកមិនមានគោលបំណងថាឱ្យនរណាម្នាក់ឡើយ សូមឱ្យអ្នកគាំទ្របើកចិត្តឱ្យទូលាយ៕
សូមចុចទីនេះ ដើម្បីទស្សនាវីដេអូចម្រៀង៖
សូមចុចទីនេះ ដើម្បីទស្សនាវីដេអូបកស្រាយ៖
