​តក់ស្លុ.ត! បុរសអនាថា ២ នាក់ ទៅសំងំដេកក្នុងធុងសំរាមតាមផ្លូវ ស្រាប់តែត្រូវឡានសំរាមប្រមូលទៅ កិ – នស្លា.- ប់អស់ម្នាក់ របួសធ្ងន់ម្នាក់

មានករណីដ៏គួរឱ្យតក់ស្លុតមួយ បានកើតឡើងនៅក្រុង New Yorks សហរដ្ឋអាមេរិក ដែលមានបុរសតែលតោល ២ នាក់ បាននាំគ្នាទៅដេកនៅក្នុងធុងសំរាម ស្រាប់តែត្រូវឡានសំរាមប្រមូលទៅ កិនស្លាប់អស់ ១ នាក់ និង ១ នាក់ទៀតរបួសធ្ងន់។

តាមព័ត៌មានបានឱ្យដឹងថា ហេតុការណ៍បានកើតឡើងកាលពីថ្ងៃទី ២៩ ខែឧសភា ឆ្នាំ ២០២៥ កន្លងទៅ នាផ្លូវ Veterans Memorial Highway នាទីក្រុង New Yorks ។ ក្នុងនោះមានបុរសតែលតោល ២ នាក់ សង្ស័យជាជនជាតិអេស្ប៉ាញ បាននាំគ្នាទៅដេកក្នុងធុងសំរាមមួយនៅលើផ្លូវនោះ ស្រាប់តែព្រលឹមឡើងក៏ត្រូវឡានសំរាមប្រមូលយកទៅដោយមិនដឹងថា បុរសទាំង ២ នាក់កំពុងដេកក្នុងនោះឡើយ ដែលបណ្តាលឱ្យម៉ាស៊ីនកិនស្លាប់បុរសម្នាក់​ ដែលមានវ័យ ៤៥ ឆ្នាំ រីឯបុរសម្នាក់ទៀតវ័យ ២១ ឆ្នាំ បានរងរបួសធ្ងន់ និង ត្រូវបានគេបញ្ជូនទៅកាន់មន្ទីរពេទ្យ។

យ៉ាងណាមិញ ខាងប៉ូលិសបានធ្វើការត្រួតពិនិត្យលើករណីនេះ ដោយបានបញ្ជូនសាកសពជនរងគ្រោះទៅធ្វើកោសល្យវិច្ច័យរកមូលហេតុពិតនៃការស្លាប់របស់គេ។ យ៉ាងណាមិញ មានមហាជនមួយចំនួនសង្ស័យថាជនរងគ្រោះបានស្លាប់រួចទៅហើយនៅក្នុងធុងសំរាម តែខាងប៉ូលិសមិនជឿឡើយ ដោយរង់ចាំលទ្ធផលការធ្វើកោសល្យវិច្ច័យសិន ទើបសរុបមូលហេតុនៃការស្លាប់នេះ៕

ប្រភព៖ Sanook